2023: Amaqʼel chkʼol qeyebʼal | ¿Jas kubʼij ri Biblia chrij wariʼ?

Rumal che oj kʼo chi pa ri junabʼ 2023, qonojel kqaj kqariq utzilal xuqujeʼ kqaj che ri qafamilia kkiriq utzilal. ¿Jasche rajawaxik kkʼojiʼ jun utz qachomanik?

Ri Biblia kuya eyebʼal

Ri Biblia kubʼij che naj ta chi kraj che ri kʼax ksach na uwach. Y ri kubʼij ri Biblia «xetzʼibʼax che qatijoxik [...]. Rech jeriʼ [...], kkuʼbʼi qakʼuʼx chrij ri Dios» (Romanos 15:4).

• Rech kawetaʼmaj más chrij ri kutzujuj ri Biblia, chawilaʼ ri kʼutunem «Jun utzalaj eyebʼal chrij ri petinaq».

Jun eyebʼal che katutoʼ kimik

Ri eyebʼal che kʼo pa ri Biblia kjunamataj rukʼ «ri ktakʼabʼan jun nim jukubʼ» (Hebreos 6:19). Ri eyebʼal kubʼano che kojchoman ta más chrij ri kʼax. Kojutoʼ chuwach ri kʼax che tajin kqariqo, rech kkʼojiʼ jun utz qachomanik y rech kqariq ri qastzij kikotemal. Chqilaʼ jujun kʼutbʼal:

• Chawetaʼmaj jas xubʼan ri eyebʼal che utoʼik jun achi che xukoj uchuqʼabʼ che uyaʼik kan jun itzel naqʼatisabʼal. Chawilaʼ ri video «Sibʼalaj itzel xwil ri nukʼaslemal».

• Chawilaʼ ri kubʼan ri Biblia che atoʼik are chiʼ kkam jun afamiliar. Chawilaʼ ri video «Ri nimalaj bʼis che kqanaʼo are chiʼ kkam jun qachalaxik o jun qachiʼl».

Chanimarisaj ri aweyebʼal

E kʼi winaq kkeyeʼj che kkʼulmataj utz taq jastaq, are kʼu ketaʼm taj we qas ktzʼaqatik. Are ta waʼ ri kuya ubʼixik ri Biblia ¿Jasche? Rumal che ri kutzujuj ri Biblia rukʼ ri Jehováa Dios petinaq wi y rumal che ri areʼ «man bʼanal ta tzij» (Tito 1:2). Xaq xiw ri Jehová kʼo uchuqʼabʼ che utzʼaqatisaxik ri kubʼij ri Biblia; ri areʼ «kubʼan ronojel ri kraj» (Salmo 135:5, 6).

Kqabʼij chawe che kawetaʼmaj más chrij ri eyebʼal che kubʼij ri Biblia. Ri at katkunik kakʼam ri uTzij ri Dios rukʼ ronojel awanimaʼ (Hechos 17:11). ¿La kawaj kyaʼ jun etaʼmanik re ri Biblia chawe che tojom taj? ¡Chamajij ri junabʼ 2023 rukʼ jun utzalaj chomanik!