KʼUTUNEM 02
Ri Biblia kukubʼsaj qakʼuʼx
Konojel ri winaq kkiriq kʼax che sibʼalaj kuya bʼis chke. ¿La anaʼom at wariʼ? Weneʼ ariqom jun yabʼil o kaminaq jun awachalal, y kachomaj: ¿la kkʼextaj na wariʼ? Chqilaʼ ri kubʼsal kʼuʼx che kuya ri Biblia.
1. ¿Jas kubʼsal kʼuʼx kuya ri Biblia?
Ri Biblia kuya ubʼixik jasche kʼo kʼax. Y kubʼij che kkʼis na. Ri kutzujuj ri Biblia chrij ri petinaq kuya «jun eyebʼal kʼuxaj» chqe (chasikʼij Jeremías 29:11, 12). Ri tzujunik riʼ kojutoʼ chuwach ri kʼax che tajin kqariqo y kojutoʼ che uriqik ri qastzij kikotemal.
2. ¿Jas kuya ubʼixik ri Biblia chrij ri petinaq?
Ri Biblia kubʼij che pa ri petinaq «man kʼo ta chi kamikal. Man kʼo ta chi bʼis, man kʼo ta chi kuraq uchiʼ rumal kʼax, mawi kʼo chi qʼoxowem» (chasikʼij Apocalipsis 21:4). Ksach na uwach ronojel jastaq che sibʼalaj kuya kʼax chqe, junam rukʼ ri wiʼjal, ri yabʼil y ri itzelal. Xuqujeʼ ri Biblia kubʼij che qonojel ri oj winaq kojkunik kqariq jun kʼaslemal che kʼo ta ukʼisik pa jun kotzʼiʼjalaj uwach Ulew.
3. ¿Jas kattowik rech katkunik kakubʼsaj akʼuʼx chrij ri Biblia?
E kʼi winaq kkaj che ksukʼumataj ri jastaq, are kʼu qas ta kkikojo we kkʼulmatajik. Are kʼu we amaqʼel kqasikʼij uwach ri kubʼij ri Biblia kojkunik kqakubʼsaj qakʼuʼx chrij ri kubʼij (Hechos 17:11). Wariʼ katutoʼo rech at katilowik we kakoj ri kuya ubʼixik ri Biblia chrij ri petinaq.
CHANIMARISAJ RI AWETAʼMANIK
Chqanikʼoj jujun jastaq pa ri Biblia che kqariq na pa ri petinaq. Y chqilampeʼ ri tobʼanik che uyaʼom chke kʼi winaq kimik.
4. Ri Biblia kubʼij che kqariq na jun jeʼlalaj kʼaslemal
Ri Biblia kuya ubʼixik ri kubʼan na ri Dios pa ri petinaq, chqilaʼ jujun chke. ¿Jachin chke más utz kawilo? ¿Jasche?
Chisikʼij ri textos che kchʼaw chrij ri tzujunik riʼ y chixtzijon chrij wariʼ:
¿La kuya kubʼsal kʼuʼx ri e textos riʼ? Chatchoman chrij ri afamilia y ri awachiʼl, ¿la kʼo keʼutoʼ wi?
Chachomajampeʼ che:
KʼO TA CHI... |
QONOJEL... |
|---|---|
|
|
|
|
|
|
|
|
|
|
5. Ri kubʼsal kʼuʼx che kuya ri Biblia kojutoʼ pa ri qakʼaslemal
Kʼi winaq kebʼisonik y kpe koyowal rumal ri kʼaxkʼolil che kʼo cho ri uwach Ulew. E nikʼaj chik kkikoj kichuqʼabʼ che usukʼumaxik. Chqilampeʼ ri ubʼanom ri Biblia che kitoʼik kʼi winaq. Chiwilaʼ ri VIDEO y chixtzijon chrij wariʼ:
Junam rukʼ ri xqil pa ri video, ¿jas kʼax xubʼisoj Rafika?
Paneʼ xsach ta ri kʼax, ¿jas tobʼanik xuya ri Biblia che?
Are chiʼ kqakubʼsaj qakʼuʼx chrij ri kutzujuj ri Biblia kojutoʼo rech qas ta kojbʼisonik y kojkikotik paneʼ kqariq kʼax. Chisikʼij Proverbios 17:22 y Romanos 12:12, y chixtzijon chrij wariʼ:
¿La kachomaj che ri kubʼsal kʼuʼx che kuya ri Biblia kojutoʼ pa ri qakʼaslemal? ¿Jasche?
RI KKICHOMAJ JUJUN WINAQ: «Ri kutzujuj ri Biblia qas ta kkʼulmatajik».
We kʼo kʼi kkʼutuwik che qas kkʼulmataj ri kubʼij ri Biblia, ¿la rajawaxik kqanikʼoj? ¿Jasche?
RI XQETAʼMAJ
Ri Biblia kubʼij che kqariq na kikotemal pa ri petinaq, wariʼ kukubʼsaj qakʼuʼx y kojutoʼ che uchʼijik ri kʼax.
¿La knaʼtaj chawe?
¿Jasche kajwataj kubʼsal kʼuʼx chke ri winaq?
¿Jas kubʼij ri Biblia chrij ri petinaq?
¿Jas katutoʼ wi ri tzujunik che kʼo pa ri Biblia?
CHAWILAʼ CHI NIKʼAJ
Chawetaʼmaj más chrij ri tobʼanik che kuya ri kubʼsal kʼuʼx.
«¿Jawchi kqariq wi ri kubʼsal kʼuʼx?» (¡Despertad!, 22 re abril 2004)
Chawilaʼ ri ubʼanom ri kubʼsal kʼuʼx che kitoʼik ri kiriqom jun kʼaxalaj yabʼil
«¿La kkun ri Biblia che qatoʼik rech kqachʼij jun yabʼil?» (Kʼutunem re jw.org)
Are chiʼ kawil wajun video musical, chachomaj che at kʼo rukʼ ri afamilia pa ri Kotzʼiʼj uwach Ulew che kubʼij ri Biblia.
Chasikʼij uwach ri xubʼan jun achi che ukʼexik ri ukʼaslemal, are chiʼ xretaʼmaj chrij ri kubʼsal kʼuʼx che kʼo pa ri Biblia.
«Kinkoj ta chi nuchuqʼabʼ che ukʼexik ri kʼax» (La Atalaya, 1 re julio 2013)