¿Jas kqabʼano rech kqariq utzilal pa ri junabʼ 2024? | ¿Jas kubʼij ri Biblia chrij wariʼ?

E kʼi winaq kkichomaj che kʼo ta ketoʼw chuwach ri kʼax che weneʼ kkiriq pa ri junabʼ 2024. Are kʼu, ¿jas kojtoʼwik rech kqariq utzilal pa ri petinaq?

Ri Biblia kuya kubʼsal kʼuʼx

Ri Biblia kubʼij che ri Dios kusachisaj na uwach ronojel ri kʼax che kqariq kamik. Naj ta chi kraj, ri Dios «kusuʼ na ronojel ri uwaʼl kiwach ri e oqʼinaq. Man kʼo ta chi kamikal. Man kʼo ta chi bʼis, man kʼo ta chi kuraq uchiʼ rumal kʼax, mawi kʼo chi qʼoxowem» (Apocalipsis 21:4).

• We kawaj kawetaʼmaj más ri kuya ubʼixik ri Biblia chrij ri petinaq, chasikʼij ri kʼutunem «Jun utzalaj eyebʼal chrij ri petinaq».

¿Jas kubʼan ri Biblia che atoʼik kamik?

Ri kubʼsal kʼuʼx che kuya ri Biblia chrij ri petinaq katutoʼo rech katbʼison ta más y rech kkʼojiʼ jun utz achomanik (Romanos 15:13). Xuqujeʼ, ri Biblia kuya utz taq pixabʼ che katutoʼ chuwach ri e kʼax che weneʼ kariq kamik, junam rukʼ mebʼayil, ri yabʼil o are chiʼ kbʼan kʼax chawe kumal nikʼaj chik.

• Chawilaʼ ri xubʼan ri Biblia che utoʼik jun achi che uriqik kikotemal y jamaril paneʼ pa jun familia che kʼo ta más kipwaq xkʼiy wi. Chawilaʼ ri video Juan Pablo Zermeño: Ri Jehová xuya kikotemal pa ri nukʼaslemal.

• Chawilaʼ ri kubʼan ri Biblia che atoʼik chuwach ri bʼis che kanaʼo rumal jun mak che xabʼan ojer kanoq, rumal ri kakʼulmaj na pa ri petinaq o are chiʼ kkam jun winaq che sibʼalaj kawaj. Chasikʼij ri kʼutunem «¿Puedo encontrar consuelo en la Biblia?».

• Chawilaʼ ri xubʼan ri Biblia che utoʼik jun ixoq che nabʼe kanoq xkʼojiʼ pa ri Ejército, ri areʼ xubʼij che «kkikot taj y che kel ta ukʼuʼx chke nikʼaj chik». Chawilaʼ ri video «Cambié las armas por la Biblia».

¿La kawaj che ri at y ri afamilia kiriq utzilal pa ri junabʼ 2024? Ri Biblia katutoʼ che uriqik wariʼ. Chawilaʼ ri Programa chrij ri etaʼmanik re ri Biblia, che tojom taj. Y chawilaʼ ri kubʼan ri Dios che uyaʼik jamaril y «jun eyebʼal kʼuxaj» chawe (Jeremías 29:11).