Más e kʼi chi winaq kkinaʼo che xaq kitukel e kʼolik: ¿jas ketowik?

• «Kʼi chke ri winaq re Estados Unidos kkinaʼo che xaq kitukel e kʼolik. Ri más kkinaʼ wariʼ are ri alabʼom alitomabʼ che tzʼaqatinaq chi kijunabʼ» (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community [Ri kuya ubʼixik ri salud pública re Estados Unidos chkij ri winaq che kkinaʼo che xaq kitukel e kʼolik y che kkitas kibʼ chkij e nikʼaj chik], 2023).

• «[Ri OMS] ubʼim ri tajin kbʼanik rech ketoʼ ri winaq che kkinaʼo che xaq kitukel e kʼolik (Comisión sobre Conexión Social) —che tajin kubʼan kʼax che ri kisalud—, rech ri winaq kkilo che nim ubʼanik che kekʼojiʼ kukʼ ri nikʼaj chik y rech más ketoʼ ri winaq pa taq ri tinamit che kajwataj tobʼanik» (Organización Mundial re ri Salud, 15 re noviembre 2023).

Ri Biblia kuya utz taq pixabʼ chke ri winaq rech kkitzukuj achilanik che ktobʼan chke.

Pixabʼ re ri Biblia che ktobʼanik

Chayaʼ kan ubʼanik jastaq che katutas chkij nikʼaj chik. Jujun chke wariʼ are ukojik ri redes sociales. Chabʼanaʼ jastaq rech katkʼojiʼ kukʼ e nikʼaj chik rech kariq utz taq awachiʼl.

• Ri kubʼij ri Biblia: «Jun achiʼl amaqʼel kel ukʼuʼx, pa taq kʼu ri qʼijol re riqoj kʼax jachaʼ jun achalalaxik» (Proverbios 17:17).

Chatzukuj ri kabʼano rech keʼatoʼ e nikʼaj chik. Are chiʼ keʼatoʼ e nikʼaj chik kubʼano che kanaʼ taj che xaq atukel at kʼolik y más katkikotik.

• Ri kubʼij ri Biblia: «Areʼ sibʼalaj utz na re ri kyanik chuwach ri kkʼamowik» (Hechos 20:35).

We kawaj kawetaʼmaj más chrij ri kubʼij ri Biblia che kiriqik utz taq achilanik, chatok pa ri qakʼolbʼal re internet.