Kamik e kʼi winaq kkinaʼo che xaq kitukel e kʼolik | ¿Jas kubʼij ri Biblia chrij wariʼ?

Jun encuesta che xbʼan pa ronojel ri uwach Ulewa xukʼutu che jun chke kajibʼ winaq kkinaʼo che xaq kitukel e kʼolik.

• «E kʼi winaq apastaneʼ ri kibʼantajik, ri kijunabʼ y ri keʼel wi, kʼo ta kachiʼl y kkitas kibʼ chkij e nikʼaj chik» (Chido Mpemba, copresidenta re ri Comisión de la Organización Mundial de la Salud sobre Conexión Social).

Kqachomaj taj che xaq xiw ri nim chi kijunabʼ o ri winaq che naj e kʼo wi chke e nikʼaj chik kkinaʼo che xa kitukel e kʼolik, xaneʼ xuqujeʼ ri alabʼom alitomabʼ, ri kʼo ta jun yabʼil chke, ri e kʼulan chik o ri utz bʼenaq ri kikʼaslemal. Jun winaq weneʼ kuriq yabʼil y kuriq kʼax ri uchomanik we kutas ribʼ y amaqʼel kunaʼo che xaq utukel kʼolik.

• «Ri winaq che kkinaʼ che xaq kitukel e kʼolik o kkitas kibʼ [...]. Xuqujeʼ kuya pa kʼax ri kikʼaslemal y weneʼ kekamik, jetaneʼ tajin kkitij 15 sikʼ pa jun qʼij» (Vivek Murthy, director general re Salud Pública pa Estados Unidos).

Ri kubʼij ri Biblia

Ri aj Bʼanol qe kraj taj kqatas qibʼ. Ri Dios kraj che kʼo utz taq qachiʼl y che kqaxej tiempo kukʼ.

• Texto re ri Biblia: «Xubʼij kʼu ri Ajawaxel Dios: ‹Man utz taj chi ri achi xaq utukel kkʼojiʼk›» (Génesis 2:18).

Ri Dios kraj che kojux rachiʼl. Ri areʼ kubʼij chqe che we kqakoj qachuqʼabʼ rech kojqebʼ rukʼ, ri areʼ kqebʼ qukʼ (Santiago 4:8).

• Texto re ri Biblia: «Utz ke ri kkichʼobʼo chi kajwataj ri Dios chke, kkechbʼej kʼut ri rajawibʼal ri Dios» (Mateo 5:3).

Ri Dios kraj che kqaya uqʼij kukʼ nikʼaj chik. Are chiʼ kqabʼano, más kojkikot.

• Texto re ri Biblia: «Qas chqililaʼ qibʼ, chqapixbʼela qibʼ che ri loqʼoqʼebʼal qakʼuʼx xuqujeʼ ri utzalaj taq chak. Maqayaʼ kan ri umulixik qibʼ [...], xaneʼ chqapixbʼelaʼ qibʼ» (Hebreos 10:24, 25).

We kawaj kawetaʼmaj jas kattowik rech kanaʼ taj che xaq atukel at kʼolik, chasikʼij ri kʼutunem «Soledad en la era de la comunicación».