¿La kʼo jun gobierno más utz na? | ¿Jas kubʼij ri Biblia chrij wariʼ?

E kʼi gobiernos pa ronojel ri uwach Ulew tajin kkiriq kʼi kʼax. Xuqujeʼ ne ri gobiernos ri kʼo nim ki poder kkiriq kʼax rumal ri kkibʼan ri políticos, rumal ri votaciones, rumal che ri políticos junam ta ri kichomanik y rumal ri manifestaciones kkibʼan ri winaq.

Ri Biblia kubʼij che kʼo jun gobierno más utz na chkiwach ri ki gobiernos ri winaq. Weneʼ atom chi chrij wariʼ. Are ri xutaʼ ri Jesús pa ri oración re ri padrenuestro.

«Ix rajawaxik jewaʼ kibʼano are chiʼ kibʼan orar: ‹Qatat ri at kʼo pa ri kaj, chnimarisax ta bʼaʼ uqʼij ri abʼiʼ. Chpe ta bʼaʼ ri Aqʼatbʼal tzij. Chbʼantaj ta bʼaʼ ri kawaj pa ri kaj, xuqujeʼ pa ri uwach ulew›» (Mateo 6:9, 10).

¿Jas kubʼij ri Biblia chrij wajun gobierno?

Más utz na ri Uqʼatbʼal tzij ri Dios

Pa ri kaj kuqʼat wi lo tzij.

Ri Jesús xubʼij «ri Qʼatbʼal tzij re ri kaj» che (Mateo 4:17; 5:3, 10, 19, 20). Rumal laʼ xubʼij: «Ri wajawibʼal [nu gobierno] man aj uwach ulew taj» (Juan 18:36).

Wajun gobierno riʼ kusach na kiwach ri ki gobiernos ri winaq.

Ri Biblia kubʼij: Ri Uqʼatbʼal tzij ri Dios «keʼusachisaj na kiwach konojel taq ri nikʼaj ajawibʼal chik, kajeqiʼ kʼu na chbʼe qʼij saq» (Daniel 2:44).

Ri Jesús are ri rey pa ri Uqʼatbʼal tzij ri Dios y kʼo ta jun winaq kkowinik kusachisaj uwach.

Ri Biblia kubʼij: «Ri ukunem man kʼo ta ukʼextajik, ri rajawinik mawi jubʼiqʼ ksachisax ta uwach» (Daniel 7:13, 14).

Pa ri Uqʼatbʼal tzij ri Dios kʼo ta chi jun kuxiʼj ribʼ y e juntir kkiriq jororemal.

Ri Biblia kubʼij: «Konojel kʼut kejeqiʼ na man kʼo ta chi jachin kexibʼinik, chkijujunal kekun na keʼuxlan chuxeʼ ri umuʼjal ri u uva» (Miqueas 4:4).

Chawetaʼmaj más chrij ri Uqʼatbʼal tzij ri Dios

Are chiʼ ri Jesús xkʼojiʼ cho ri uwach Ulew xukoj u tiempo rech «xutzijoj ri utz taq noticias re ri Uqʼatbʼal tzij ri Dios» (Mateo 9:35). Xuqujeʼ xubʼij kanoq:

«Ktzijox na ri utz taq noticias re ri Uqʼatbʼal tzij ri Dios pa ronojel uwach ulew rech kqʼalajisax chkiwach e juntir taq ri tinamit, tekʼuriʼ kpe ri kʼisbʼalil» (Mateo 24:14).

Kamik, pa más che 240 países y territorios tajin ktzijox ri utzalaj taq noticias rech ri Uqʼatbʼal tzij ri Dios. Katqabʼan invitar rech kawetaʼmaj más chrij ri Uqʼatbʼal tzij ri Dios y jas tewchibʼal kuya chawe kamik.

Chawilaʼ ri video ¿Jas riʼ ri Rajawbʼal ri Dios?