¿Jasche kkikoj ta ri cruz ri testigos rech Jehová?

Konojel ri winaq kkichomaj che ri cruz are jun etal re ri cristianismo. Ri oj testigos rech Jehová oj cristianos are kʼu kqakoj ta ri cruz y kqaya ta uqʼij o kqabʼan ta venerar. ¿Jasche?

Ri nabʼe rumal, are che ri Biblia kubʼij taj che ri Jesús xkam cho jun cruz xaneʼ cho jun takʼatik cheʼ. Y kuya wajun taqanik chke ri cristianos: «Chixanimaj chuwach ri kiqʼijilaxik taq ri diosibʼ». Ukojik ri cruz are chiʼ kbʼan qʼijilanik kjunamataj rukʼ kiqʼijilaxik tyox (1 Corintios 10:14; 1 Juan 5:​21).

Y ri Jesús xubʼij kanoq ri kqabʼan che retaʼmaxik kiwach ri qastzij taq cristianos: «Rumal kʼu waʼ konojel kketaʼmaj na chi ix nutijoxelabʼ, we kiloqʼoqʼelaʼ iwibʼ» (Juan 13:34, 35). Ri kbʼan che ketaʼmaxik ri qastzij cristianos are ta rumal ri cruz xaneʼ rumal ri loqʼoqʼenik.