UK'OLB'AL WUJ PA INTERNET Watchtower
Watchtower
UK'OLB'AL WUJ PA INTERNET
quiché
'
  • '
  • ä
  • Ä
  • BIBLIA
  • E WUJ
  • E RIQB'AL IB'
  • hdu kʼutunem 5
  • Ri kʼo más kipwaq kekitoʼ ri kʼo ta ke

K'o ta video che wajun kʼutunem ri'.

Chakuyu' qamak, ri video ktziji' taj.

  • Ri kʼo más kipwaq kekitoʼ ri kʼo ta ke
  • ¿Jas kqabʼan che ukojik ri kuchuj?
  • K'utunem che kjunamatajik
  • Kojmaltyoxin che ri Jehová rumal ri nimalaj iloqʼoqʼebʼal
    Qachak xuqujeʼ qakʼaslemal ri oj cristianos: Wuj re chak (2021)
  • «Jun sipanik che ri Jehová»
    Qachak xuqujeʼ qakʼaslemal ri oj cristianos—Wuj re chak (2018)
  • «Chixyanoq»
    Qachak xuqujeʼ qakʼaslemal ri oj cristianos: Wuj re chak (2022)
  • ¿Jawchiʼ kekikʼama wi ri testigos rech Jehová ri pwaq che kkikojo?
    Preguntas che kbʼan chkij ri testigos rech Jehová
Kawil más
¿Jas kqabʼan che ukojik ri kuchuj?
hdu kʼutunem 5
Ucholajil ri wachbʼal: Ri chak che kkibʼan ri testigos rech Jehová pa ronojel uwach Ulew. 1. Jun alaj qachalal ala tajin kusikʼij jun wuj chkiwach alaj taq kebʼ alabʼom. 2. Jalajoj taq uwach wuj. 3. Jun kʼulaj tajin kkitzijoj ri utzij ri Dios che jun achi. 4. Jun qachalal tajin kusikʼij jun texto chuwach jun achi.

¿JAS KQABʼAN CHE UKOJIK RI KUCHUJ?

Ri kʼo más kipwaq kekitoʼ ri kʼo ta ke

1 RE OCTUBRE 2020

Ri testigos rech Jehová xaq xiw ta kkikʼut chrij ri Biblia xaneʼ xuqujeʼ kkiya tobʼanik pa nikʼaj chi jastaq pa más che 200 nimaʼq taq tinamit y territorios. Are kʼu xa e 35 chke ri nimaʼq taq tinamit riʼ kkiya más kikuchuj rech kkil ri kajwataj che ri kisucursal. ¿Jas kʼu kkʼulmataj kukʼ ri nikʼaj chi tinamit che kʼo ta más kirajil?

Ri Jupuq Ajkʼamal bʼe cho ronojel ri uwach Ulew kech ri testigos rech Jehová are keʼilow ri chak y ri kajwataj chke ri e qachalal cho ronojel ri uwach Ulew. Utz kqabʼan che ukojik ri e kuchuj che kyaʼik. Ri sucursal che kusach ta ronojel ri e kuchuj che kkiya ri e qachalal pa ri kiterritorio, kkitaq bʼi ri pwaq che xtotaj kukʼ chke e nikʼaj chi sucursales che kʼo más kajwataj chke. Je wariʼ kbʼan ri xkibʼan ri nabʼe taq cristianos. Ri e areʼ xkiya ri pwaq che ktotaj kukʼ rech xekitoʼ e nikʼaj chi cristianos che kʼo más kajwataj chke, y je wariʼ xkʼojiʼ «junamil» chkixoʼl rech kʼo ta jun más kʼo urajil y jun chik kʼo taj (2 Corintios 8:14).

¿Jas kkibʼij ri e qachalal che ketoʼ kumal e nikʼaj chi sucursales? Jun kʼutbʼal, pa Tanzania e kʼi chke ri winaq xa 2 dólares kkichʼak pa jun qʼij, are kʼu rumal che ri e nikʼaj chi sucursales xkitaq lo pwaq, xsukʼumax jun Ja rech Ajawbʼal re ri congregación Mafinga. Ri e qachalal re wajun congregación kkibʼij: «Are chiʼ xsukʼumax ri Ja rech Ajawbʼal sibʼalaj e kʼi winaq e petinaq chi pa ri e riqbʼal ibʼ. Kqamaltyoxij che ri utinamit ri Jehová y chke ri e qachalal cho ronojel ri uwach Ulew rumal ri kikuchuj. Kimik riʼ kqaqʼijilaj chi ri Jehová pa jun jeʼlalaj lugar».

Rumal ri COVID-19, e kʼi qachalal pa Sri Lanka kʼo ta más jastaq ke kkitijo. Jun chke are ri qachalal Imara Fernando y ri alaj ral Enosh. Rumal ri kuchuj che kkiya lo ri e nikʼaj chi sucursales xetoʼik. Tekʼuriʼ ri e areʼ xkibʼan jun alaj tarjeta y xkitzʼibʼaj wariʼ: «Kqamaltyoxij chke ri e qachalal che xkikʼut ri kiloqʼoqʼebʼal chqe y xojkitoʼ pa waʼ taq qʼij che xqariq kʼax. Sibʼalaj kojkikotik che oj kʼo pa wajun familia y qayaʼom ta kan ubʼanik qachʼawem rech ri Jehová keʼutoʼ ri e qachalal pa ri e kʼisbʼal taq qʼij riʼ».

Ri qachalal Imara rukʼ ri alaj ral Enosh kukʼam jun cartel che kubʼij: «Maltyox».

Imara Fernando kʼo rukʼ ri alaj ral Enosh

Apawijeʼ taneʼ lugar e kʼo wi, ri e qachalal rukʼ ronojel kanimaʼ kkiya ri kʼo kukʼ. Jun kʼutbʼal, ri alaj a Enosh xubʼan jun alaj kaxon rech kuya ri ukuchuj chupam rech keʼutoʼ ri familias che kʼo kajwataj chke. Jun chik are ri qachalal ixoq Guadalupe Álvarez, ri areʼ kel pa jun lugar rech México. Ri e winaq re ri ulugar kʼo ta más kirajil y xa jubʼiqʼ kkichʼak pa jun qʼij. Are kʼu ri areʼ kukoj ronojel uchuqʼabʼ rech kuya ukuchuj. Kubʼij: «Kinmaltyoxij che ri Jehová rumal che uyaʼom ta kan qaloqʼoqʼexik y amaqʼel kukʼut utzilal chqe. Wetaʼm che ri kuchuj che kinyaʼo keʼutoʼ nikʼaj chi qachalal che tajin keqʼax pa kʼaxalaj taq qʼij».

Ri sucursales che kkitaq bʼi pwaq chke e nikʼaj chik sibʼalaj kekikot che uyaʼik tobʼanik. Ri qachalal Anthony Carvalho, re ri Comité de Sucursal re Brasil, kubʼij: «Pa kʼi taq junabʼ e nikʼaj chi sucursales xojkitoʼ rukʼ pwaq. Rumal ri tobʼanik kiyaʼom oj kunaq che ubʼanik ri qachak che ri Dios. Kimik riʼ oj chik kojilow ri kajwataj che ri sucursal, rumal laʼ kojkun chik keqatoʼ e nikʼaj chik. Ri e qachalal nim kkil utzijoxik ri utzij ri Dios y ketaʼm che rech keʼux utzalaj taq utijoxelabʼ ri Cristo rajawaxik ketobʼan rukʼ ri kikuchuj».

¿Jasche ri testigos rech Jehová e kunaq che kitoʼik ri e kachalal che kʼo kajwataj chke? Rumal ri e kuchuj che kkiya pa ri obra mundial y xa ta kkitaq bʼi pwaq chke ri sucursales re nikʼaj chi tinamit. We kawaj kattobʼanik, katkunik kaya akuchuj pa ri kaxon che kʼo pa ri Ja rech Ajawbʼal ubʼiʼ «Obra mundial» o kaya pa donate.jw.org. Sibʼalaj nim kqil ri kuchuj che kiyaʼo.

    E wuj pa quiché (1993-2025)
    Uk'isik sesión
    Umajixik sesión
    • quiché
    • Chataqa b'ik
    • Ri qas utz kawilo
    • Copyright © 2025 Watch Tower Bible and Tract Society of Pennsylvania
    • Ri kta' chawe rech kakojo
    • Keta'max ta ri xatz'ib'aj
    • Configuración de privacidad
    • JW.ORG
    • Umajixik sesión
    Chataqa b'ik