¿Jas kubʼij ri Biblia chkij ri winaq che xaq kikʼamom kibʼ y che e kʼulan taj?

Ri kuya ubʼixik ri Biblia

Ri Biblia kubʼij che ri Dios kraj taj che kqabʼan «makunik kukʼ ixoqibʼ achijabʼ» (1 Tesalonicenses 4:3). Ri kraj kubʼij ri tzij «makunik kukʼ ixoqibʼ achijabʼ» are ri kubʼan jun achi rukʼ jun ixoq che are ta ri ukʼulaj, ri homosexualidad y ri relaciones sexuales che kkibʼan ri winaq che e kʼulan taj.

• ¿Jasche kraj ri Dios che ri e kʼulaj kekʼulik?

• ¿Jasche utz taj che ri e winaq kekʼojiʼ junam we e kʼulan taj?

• ¿Jas rajawaxik kbʼanik rech kʼo kikotemal pa ri kʼulanem?

¿Jasche kraj ri Dios che ri e kʼulaj kekʼulik?

• Are ri Dios xbʼanow ri kʼulanem. Xubʼano are chiʼ xeʼukʼulubʼaʼ ri e nabʼe taq winaq (Génesis 2:22-24). Ri are xraj taj che ri achi xaq kkʼojiʼ rukʼ ri ixoq che mat kkʼuliʼk.

• Ri Dios retaʼm ri utz chqe. Ri Dios are xbʼanow ri kʼulanem y xeʼutunubʼa ri e kebʼ winaq rech kkijach ta kibʼ, xraj che ri e kebʼ kekikotik y kekichajij ri kifamilia. Chojchoman chrij wariʼ: are chiʼ kqabʼan jun mesa rajawaxik kqabʼan ri kbʼix chqe. Junam rukʼ wariʼ, we kqaj kojkikot pa ri qafamilia, rajawaxik kqanimaj ri pixabʼ che kuya ri Dios chqe. Kojkikot riʼ we amaqʼel kqanimaj (Isaías 48:17, 18).

  

• Chiʼ ri e winaq e kʼulan taj kkibʼan relaciones sexuales kkiriq kʼax. Chuxoʼl ri kʼax riʼ ri ixoq weneʼ kkanaj kan yawabʼ winaq, kuriq yabʼil re transmisión sexual y bʼis.

• Ri Dios xuya sipanik chke ri e winaq: che kekunik kekʼojiʼ kalkʼwal are chiʼ kkibʼan relaciones sexuales. Are jun utzalaj sipanik che uyaʼom ri Dios chqe. Chuwach ri Dios ri kʼaslemal are nim ubʼanik. Rumal laʼ kraj che nim kqil wi wajun sipanik riʼ y che xaq xiw rukʼ ri qakʼulaj kqabʼan wi ri relaciones sexuales. Y rukʼ wariʼ kqakʼutu che nim kqil wi ri kʼulanem (Hebreos 13:4).

¿Jasche utz taj che ri e winaq kekʼojiʼ junam rech kkilo we kekʼuliʼk?

Rech kojkikot pa ri qakʼulanem, rajawaxik ta na che «kqaqʼaxej jun tiempo junam» rech kqilo we kojkʼuliʼk. Xaneʼ, are ri kʼulanem kbʼanowik che ri e kebʼ winaq más kkaj kibʼ y junam kkisukʼumaj ri kʼax che kkikʼulmaj.a Ri kʼulanem kubʼano che ri kʼulaj más kkiloqʼoqʼej kibʼ (Mateo 19:6).

¿Jas rajawaxik kbʼanik rech kʼo kikotemal pa ri kʼulanem?

Kʼo ta jun kʼulanem che tzʼaqat. Are kʼu kekunik kekikotik we kkibʼan ri pixabʼ rech ri Biblia pa ri kikʼulanem. Chqilaʼ jujun chke:

• Xaq xiw ta katzukuj ri utz chawe (1 Corintios 7:3-5; Filipenses 2:3, 4).

• Chikojoʼ ichuqʼabʼ rech kiloqʼoqʼej iwibʼ y nim kiwil wi iwibʼ (Efesios 5:25, 33).

• Chachomaj na ri kabʼij (Proverbios 12:18).

• Chkʼol ipaciencia y chisachalaʼ imak (Colosenses 3:13, 14).