Chayaʼ ubʼixik ri qastzij chrij ri Jesús rukʼ chuqʼabʼ

We qetaʼm utzijoxik ri qastzij chrij ri Jesús chke nikʼaj chik kubʼan chqe che kqakoj ronojel ri qachuqʼabʼ. Ri Jesús xaq junam rukʼ ri nabʼe abʼaj re jun uxeʼ jun ja che pa uwiʼ xtik wi ri qastzij kojonik (Efes. 2:20). We mat kʼo areʼ mat kqariq riʼ ri kʼaslemal che kʼot ukʼisik (Hech. 4:12). Rumal laʼ, sibʼalaj rajawaxik che nim kqil wi ri chak che kubʼan ri Jesús pa ri urayibʼal ri Dios. E kʼi winaq sachinaq kichomanik rumal kʼutunem che qastzij taj chrij ri Jesús, sibʼalaj bʼisobʼal che ri winaq riʼ weneʼ kkiriq ta ri utzilal kkiriq ri winaq che kekojon chrij ri Jesús. Ri qaloqʼoqʼenik che ri qastzij kubʼan chqe che keqatoʼ ri winaq che utz kanimaʼ rech kketaʼmaj ri qastzij chrij ri Jesús, ri ubʼanik rukʼ ri Jehová xuqujeʼ ri chak kubʼan pa ri urayibʼal ri Jehová. Rumal laʼ, ¿la kqaya ubʼixik ri qastzij chrij ri Jesús pa taq ri qʼij che knaʼtax ri ukamikal?