KʼUTUNEM 5

Usikʼixik uwach rukʼ tzʼaqatil

1 Timoteo 4:13

RESUMEN: Chasikʼij uwach ri tzʼibʼatalik rukʼ ko chʼabʼal.

Qas chatijoj awibʼ. Chatchoman chrij ri rumal che xtzʼibʼax ri texto. Chasikʼij uwach e jupuq taq tzij, xaq xiw ta jun tzij. Chawilaʼ che kʼo ta jun tzij kabʼij che tzʼibʼam taj, kawesaj taj o kakʼex ta ri e tzij. Chawilaʼ ri punto, ri coma xuqujeʼ ri signo re pregunta are chiʼ kasikʼij uwach jun wuj.

Chataʼ toqʼobʼ che jun awachiʼl che katutatabʼej tekʼuriʼ kubʼij chawe we kʼo jun tzij qas ta utz xabʼan che ubʼixik.
Utz chabʼanaʼ che ubʼixik ronojel ri e tzij. We awetaʼm ta ri kabʼan che ubʼixik jun tzij, chataʼ ri grabación re ri wuj o chataʼ tobʼanik che jun winaq che qas utz kubʼan che usikʼixik uwach.
Qas chtataj ri kabʼij. Utz kabʼan che ubʼixik ri e tzij, chayakaʼ ri apalaj xuqujeʼ qas chajaqaʼ ri achiʼ. Chakojoʼ achuqʼabʼ che kabʼij ronojel ri e tzij.

Kaya ta uwiʼ ri kabʼan che usikʼixik uwach rumal che kubʼano che qas ta utz chi ktatajik.