KʼUTUNEM 4

Ukojik utz taq tzij nabʼe chuwach jun texto

Mateo 22:41-45

RESUMEN: Chabʼanaʼ che ri kattatabʼenik kechoman chrij jun texto are chiʼ majaʼ kasikʼij uwach.

Chachomaj ri rumal che kasikʼij uwach jun texto. Are chiʼ majaʼ kasikʼij uwach, chabʼij jujun taq jastaq rech ri kattatabʼenik kkichʼobʼ ri e chomanik che nim kibʼanik.

Chatchoman chrij ri contexto. Are chiʼ katchʼaw chrij jun bʼantajik chabʼij ubʼiʼ ri winaq che xbʼinik xuqujeʼ jeʼ chabʼanaʼ are chiʼ katchʼaw chrij jun wuj re ri Biblia chabʼij jachin xtzʼibʼanik.
Chakʼutuʼ che ri Biblia kʼo utaqanik are chiʼ katchʼaw chrij. Are chiʼ tajin kattzijon kukʼ winaq che kekojon chrij ri Dios, chakʼutuʼ chkiwach che ri Biblia are Utzij ri Dios. Rukʼ wariʼ kaqʼalajisaj che chupam kʼo wi ri unojibʼal ri Dios.
Chabʼanaʼ che kkaj kketaʼmaj ri kubʼij ri texto. Chabʼanaʼ jun pregunta che kriqitaj ri urespuesta pa ri texto, chatchʼaw chrij jun problema che ktobʼan ri texto che usukʼumaxik, o chabʼij jun pixabʼ re ri Biblia che kil pa ri bʼantajik.

Chatchoman chrij ri ketaʼm chi ri winaq chrij ri kʼutunem o ri texto. Rukʼ utz taq tzij chaqʼalajisaj ri texto xuqujeʼ ri etaʼmatal chik xuqujeʼ cheʼatoʼ ri kattatabʼenik rech qas kkichʼobʼ ri kubʼij o kketaʼmaj kʼakʼ jastaq pa ri texto.