KʼUTUNEM 2

Chattzijon kukʼ ri winaq junam ta neʼ che e awachiʼl

2 Corintios 2:17

RESUMEN: Chattzijon rukʼ tzij che kʼax ta uchʼobʼik xuqujeʼ rukʼ ri qas abʼantajik rech ri atzij kukʼut ri kanaʼ chrij ri kaya ubʼixik xuqujeʼ chkij ri kattatabʼenik.

JAS KBʼAN CHE UBʼANIK

Chabʼanaʼ achʼawem rukʼ ri Dios xuqujeʼ utz utijoxik awibʼ chabʼanaʼ. Chataʼ utobʼanik ri Jehová rech qas katchoman chrij ri kaya ubʼixik rech kaxibʼij ta awibʼ. Qas chachʼobʼoʼ ri e pixabʼ che kawaj kaqʼalajisaj. Xaq xiw ta kasikʼij uwach ri tzʼibʼatalik. Chabʼij ri e chomanik rukʼ ri atzij.

We kasikʼij uwach ri Biblia o jun chi wuj, qas chatijoj awibʼ rech qas utz kabʼan che usikʼixik uwach ri e bʼantajik. We kasikʼij uwach utzij jun chi winaq pa jun wuj chayaʼ uchuqʼabʼ ri achʼabʼal chiʼ kasikʼij uwach are kʼu kaya ta uwiʼ.
Chatchʼaw rukʼ tzij che qas kel lo pa awanimaʼ. Chatchoman chrij ri rumal che rajawaxik ri winaq kkitaʼ ri e pixabʼ. Chatchoman chkij. Ri atakʼalem, ri ukojik ri aqʼabʼ xuqujeʼ ri kakʼut rukʼ ri apalaj kkikʼut ri kanaʼo.

Are chiʼ kattzijonik, utz che keʼawil ri e winaq junam ta neʼ che e awachiʼl are kʼu rajawaxik che nim keʼawil wi. Qas utz chabʼanaʼ che ubʼixik ri e tzij rech qas utz ktataj ri kabʼij xuqujeʼ kakoj ri reglas gramaticales.
Cheʼawilaʼ ri kattatabʼenik. Chatkaʼy che jun winaq. Are chiʼ kaya jun chʼabʼal, chatkaʼy che jun winaq tekʼuriʼ che jun chik, are ta chke konojel o xaq aninaq.