KʼUTUNEM 13

Chakʼutuʼ ukojik ri pixabʼ

Proverbios 3:21

RESUMEN: Cheʼatoʼ ri kattatabʼenik rech kkil ri utzilal kuya ri pixabʼ pa kikʼaslemal xuqujeʼ chakʼutuʼ ri kkibʼan che ukojik.

Chatchoman chkij ri kattatabʼenik. Chachomaj ri rumal che ktatabʼex ri kabʼij xuqujeʼ chachomaj ri qas kajwataj chke pa ri kikʼaslemal.
Chupam ri atzijonem, qas chaqʼalajisaj ri rajawaxik kkibʼano. Pa ri nabʼe taq tzij, ri auditorio rajawaxik kkichomaj: «¡Wariʼ qas kajwataj chwe in!». Are chiʼ kabʼij ri e pixabʼ nim kibʼanik, chakʼutuʼ ri kbʼan che ukojik pa kikʼaslemal. Chayaʼ kʼutbʼal che kukʼut ri rajawaxik kbʼanik.

Chakʼutuʼ rukʼ loqʼoqʼebʼal xuqujeʼ rukʼ rutzil awanimaʼ ri kbʼan che ukojik jun pixabʼ. Kabʼan taj che kkinaʼ kʼixbʼal, are rajawaxik che kaya uchuqʼabʼ ri kikojonik xuqujeʼ ri kiloqʼoqʼebʼal chrij ri Dios. Chakubʼsaj akʼuʼx che ri kanimaʼ keʼutaq che ubʼanik ri utz.