KʼUTUNEM 11

Tzijonem rukʼ ronojel animaʼ

Romanos 12:11

RESUMEN: Chatchʼaw rukʼ awanimaʼ rech ri kattatabʼenik kkibʼan ri kabʼij.

Chayaʼ pa awanimaʼ ri kawaj kakʼutu. Are chiʼ katijoj awibʼ, chatchoman chrij che sibʼalaj nim ubʼanik ri kʼutunem che kawaj kayaʼo. Qas chanikʼoj ronojel ri kubʼij ri kʼutunem rech qas rukʼ chuqʼabʼ kaya ubʼixik.
Chatchoman chkij ri kattatabʼenik. Chatchoman chrij ri utzilal kuya ri atzij o ri kasikʼij uwach chke ri kattatabʼenik. Chatchoman chrij ri kabʼan che ukʼutik ri etaʼmanik rech ri kattatabʼenik kkil ri utzilal kuya chke.
Chabʼanaʼ che ri atijonik kuya chuqʼabʼ. Chatchʼaw rukʼ ronojel awanimaʼ. Rukʼ ri apalaj xuqujeʼ ri kabʼan che ukojik ri aqʼabʼ chakʼutuʼ che qastzij kakoj ri kabʼij.

Kabʼan taj che kekos ri tajin katkitatabʼej rumal che amaqʼel xaq junam kabʼan che ri apalaj. Chawilaʼ che ri kabʼan che ri aqʼabʼ kʼo jun rumal. Chakʼutuʼ rukʼ kikotemal ri e kʼutunem che nim ubʼanik o are chiʼ kabʼij chke ri kattatabʼenik che rajawaxik kkibʼan pa kikʼaslemal. We amaqʼel kaya uwiʼ ri kabʼan che ubʼixik ri e tzij kubʼano che kekos ri kattatabʼenik.