KʼUTUNEM 20

Kʼisbʼal taq tzij che qas ktobʼanik

Eclesiastés 12:13, 14

RESUMEN: Chakʼisaʼ ri achʼabʼal rukʼ uyaʼik kichuqʼabʼ ri kattatabʼenik rech kkikʼam xuqujeʼ kkikoj pa kikʼaslemal ri xketaʼmaj.

Pa ri ukʼisbʼal ri chʼabʼal chakojoʼ tzij che kʼo ubʼanik rukʼ ronojel ri kʼutunem. Chakamulij ubʼixik ri kʼutunem xuqujeʼ ri e pixabʼ nim kibʼanik o chakojoʼ chi e nikʼaj tzij che ubʼixik.
Chayaʼ kichuqʼabʼ ri kattatabʼenik. Chakʼutuʼ chkiwach ri kkibʼano xuqujeʼ ri rumal che kkibʼano. Chakʼutuʼ che qastzij ri kabʼij xuqujeʼ che qas kakojo.
Chakʼisaʼ ri achʼabʼal rukʼ kebʼ oxibʼ tzij xuqujeʼ kʼax ta uchʼobʼik. Katchʼaw ta chrij pixabʼ che xakʼut taj. Kʼi ta tzij kakojo xuqujeʼ cheʼatoʼ ri winaq rech kkibʼan ri xketaʼmaj.

Aninaq taj katchʼawik are chiʼ kakʼiso, kaqasaj ta uchuqʼabʼ ri achʼabʼal. Chakʼutuʼ che tajin kakʼis ri tzijonem rukʼ ri kabʼan che ubʼixik ri kʼisbʼal taq tzij.