PREGUNTA 10

¿La kinutoʼ in ri Biblia?

JASCHE RAJAWAXIK

Ri Biblia kubʼij che «ronojel ri Tzʼibʼatalik petinaq rukʼ ri Dios», che kraj kubʼij, che are ri Dios ajchaqʼe ri kʼo chupam (2 Timoteo 3:16). We qastzij wariʼ, qastzij riʼ che ri Biblia kkunik kuya ri tobʼanik che kajwataj chawe.

¿AT JAS KABʼANO?

Chachomaj: David bʼenaq pa jun bʼe che kuchʼobʼ taj. Are chiʼ kril ri ubʼiʼ taq ri bʼe xuqujeʼ ri nimaʼq taq ja, krilo che chilaʼ taj kʼo wi jachiʼ kraj kkʼojiʼ wi. Sachinaq chik. Xukʼam bʼi jun bʼe che are ta ri qas ubʼe.

Wet at, at David, ¿jas kabʼan riʼ?

QAS CHACHOMAJ

Kʼo jalajoj opciones:

Kataʼ che jun winaq rech kubʼij chawe ri kabʼano rech katopan pa ri lugar che kawaj katopan wi.
Kawil pa jun mapa o kakoj jun GPS.
Katbʼe más kachomaj che kariq na ri bʼe che katukʼam bʼi pa ri lugar.

Qastzij wi che ri opción C are ri más utz taj.

Ri opción B are utz na chuwach ri nabʼe: kʼo jun mapa o jun GPS awukʼ, xuqujeʼ wariʼ kkunik kukʼam abʼe pa ronojel ri bʼe.

Ri Biblia kkunik kuya jun tobʼanik junam rukʼ wariʼ.

Ri wuj che más kʼayim pa ronojel tiempo kkunik katutoʼ:

Kukʼam abʼe are chiʼ kariq kʼax.
Katutoʼ rech qas kachʼobʼ awibʼ xuqujeʼ katux más utz winaq.
Kukʼut ri más utz kʼaslemal chawach.

RESPUESTAS RE NIMAʼQ TAQ PREGUNTAS RE RI KʼASLEMAL

Are chiʼ kqamaj chʼawem kqamaj ubʼanik preguntas:

¿Jasche azul ri kaj?
¿Jas rukʼ e bʼanom wi ri e chʼumil?

Tekʼuriʼ kqabʼan ri e preguntas riʼ chrij ri jastaq che kqilo:

¿Jasche kkʼulmataj itzel taq jastaq?
¿Jasche kojkamik?

¿La awetaʼm che ri Biblia kuya ubʼixik chrij ri e preguntas riʼ?

E kʼi winaq kkibʼij che ri Biblia nojinaq che chomanik che qastzij taj xuqujeʼ kichomanik winaq, o are jun wuj che kʼo ta chi upatan kimik o sibʼalaj kʼax uchʼobʼik. Are kʼu ¿la qastzij wariʼ? ¿La qastzij ri kkibʼij ri winaq chrij ri Biblia? ¿La xa qas ta ketaʼm ri ubʼanik?

Jun kʼutbʼal, ri winaq kkibʼij che ri Biblia kubʼij che pa uqʼabʼ ri Dios kʼo wi ri uwach ulew. Are kʼu ¿la utz wajun chomanik riʼ? Ri jastaq che ko pa ri uwach Ulew sibʼalaj xibʼibʼal. Pa ronojel lugares kʼo wi qʼoxom, kʼaxkʼolil, yabʼil xuqujeʼ kamikal, mebʼaʼil xuqujeʼ nimaʼq taq kʼax. ¿La kuya jun Dios che sibʼalaj kojraj kbʼan ri e jastaq riʼ?

¿La kawaj kawetaʼmaj jachin pa uqʼabʼ kʼo wi wajun uwach Ulew riʼ? Qas utz kawil riʼ ri kuya ubʼixik ri Biblia chrij wariʼ.

Awilom chi riʼ che ri e pixabʼ che kʼo pa wajun wuj riʼ esam pa ri Biblia. Ri e testigos rech Jehová qas ketaʼm che ri Biblia are jun wuj che qas kukʼam qabʼe che kojkunik kqakubʼsaj qakʼuʼx chrij rumal che «petinaq rukʼ ri Dios: utz che tijonik, che pixbʼenik, che jikʼonik» (2 Timoteo 3:16, 17). Chakojoʼ achuqʼabʼ che retaʼmaxik uwach wajun wuj che xtobʼan ojer xuqujeʼ ktobʼan kimik.