¿Jachin qas pa uqʼabʼ kʼo wi ri uwach Ulew?

RI KUBʼIJ RI UTZIJ RI DIOS

«Ronojel kʼu ri uwach ulew kʼo pa uqʼabʼ ri itzel.» (1 Juan 5:19.)

«Rumal kʼu riʼ xpe ri uKʼojol ri Dios, che kisachik kiwach ri e uchak ri itzel.» (1 Juan 3:8, U tzij ri Dios pa quiche aj Guatemala [SBU], ortografía actualizada.)

RI KUBʼAN PA AKʼASLEMAL

Kachʼobʼ ri rumal che kʼo kʼax cho ri uwach Ulew (Apocalipsis 12:12).

Qas kakojo che ksukʼumax na ri jastaq cho ri uwach Ulew (1 Juan 2:17).

¿LA QASTZIJ KʼU RIʼ RI KUBʼIJ RI UTZIJ RI DIOS?

Qastzij, rumal oxibʼ jastaq:

• Ri uqʼatoj tzij ri Satanás ksachisax na uwach. Jehová keresaj na ri winaq pa ri uqʼabʼ ri Satanás. Areʼ kubʼij che «kusach uwach [...] ri itzel», kubʼan ubʼanik ronojel ri kʼax ubʼanom ri Satanás (Hebreos 2:14).

• Ri Dios uchaʼom ri Jesucristo rech kuqʼat tzij puwiʼ ri uwach Ulew. Jesús xaq ta junam rukʼ ri tajin kuqʼat tzij puwiʼ ri uwach Ulew kimik, che are itzel xuqujeʼ xaq xiw kuchomaj ribʼ. Are kʼu chirij ri uqʼatoj tzij ri Jesús, ri Jehová kubʼij: «Kutoqʼobʼisaj na kiwach ri man nim ta keʼilik [...] keresaj pa ri latzʼ xuqujeʼ pa ri riqoj kʼax» (Salmo 72:13, 14).

• Ri Dios kubʼan ta tzij. Ri Loqʼalaj Pixabʼ kubʼij: «Ri Dios man kakuʼin taj kubʼan tzij» (Hebreos 6:18). Are chiʼ Jehová kubʼij che kubʼan jun jastaq, qastzij qetaʼm che kubʼan na (Isaías 55:10, 11). «Kesax na bʼik ri kʼo utaqanik puwiʼ we uwach Ulew riʼ» (Juan 12:31).