¿Jas kachomaj chirij ri petinaq?

RI KUBʼIJ RI UTZIJ RI DIOS

«Ri Dios [...] kusuʼ kʼu na ronojel ri uwaʼl kiwach ri e oqʼinaq. Man kʼo ta chi kamikal. Man kʼo ta chi bʼis, man kʼo ta chi kuraq uchiʼ rumal kʼax, ma wi kʼo chi qʼoxowem. Xebʼokʼow kʼut ri nabʼe taq jastaq.» (Apocalipsis 21:3, 4, U tzij ri Dios pa quiche aj Guatemala [SBU], ortografía actualizada.)

RI KUBʼAN PA AKʼASLEMAL

Chak utz xuqujeʼ kuya kikotemal (Isaías 65:21-23).

Kʼo ta chi yabʼil o kʼaxkʼolil (Isaías 25:8; 33:24).

Kʼaslemal che kʼot ukʼisik rukʼ kikotemal kukʼ ri afamilia xuqujeʼ ri awachiʼl (Salmo 37:11, 29).

¿LA QASTZIJ KʼU RIʼ RI KUBʼIJ RI UTZIJ RI DIOS?

Qastzij, rumal kebʼ jastaq:

• Ri Dios kkun che ubʼanik ri kuya ubʼixik. Pa ri Loqʼalaj Pixabʼ, xaq xiw che ri Jehová kbʼix wi ri «kʼo ronojel ukuʼinem» rumal che kkʼis ta ri uchuqʼabʼ (Apocalipsis 15:3). Rumal laʼ areʼ kkun che ubʼanik ri ubʼim che kusukʼumaj na ri uwach Ulew. Junam rukʼ ri kubʼij ri Utzij, «ri Dios kakuʼin che ubʼanik ronojel» (Mateo 19:26).

• Ri Dios sibʼalaj kraj kubʼan ri utzujum. Jun kʼutbʼal, Jehová sibʼalaj kraj kuya chi jumul kikʼaslemal ri winaq che e kaminaq (Job 14:14, 15).

  Ri Loqʼalaj Pixabʼ xuqujeʼ kubʼij che ri Ukʼojol ri Dios, Jesús, xeʼukunaj ri e yawabʼ. ¿Jasche xubʼano? Rumal che xraj xubʼano (Marcos 1:40, 41). Junam rukʼ ri Utat, Jesús kraj keʼutoʼ ri kʼo kajwataj chike (Juan 5:19).

  ¡Rumal laʼ qas qetaʼm che Jehová xuqujeʼ ri Jesús kkaj kojkitoʼ rech kqariq utzil pa ri petinaq! (Salmo 72:12-14; 145:16; 2 Pedro 3:9.)