¿La kopan na jun qʼij che kʼo ta chi kʼax?

RI KUBʼIJ RI UTZIJ RI DIOS

Ri Dios kusuʼ na ronojel ri uwaʼl kiwach ri e oqʼinaq. Man kʼo ta chi kamikal, bʼis, qʼoxowem mawi kuraq uchiʼ rumal kʼax. (Apocalipsis 21:3, 4.)

RI KUBʼAN PA AKʼASLEMAL

Kukubʼsaj akʼuʼx chiʼ kawetaʼmaj che are ta ri Dios kyaʼow ri kʼax kqariqo (Santiago 1:13).

Kukubʼsaj akʼuʼx chiʼ kawetaʼmaj che ri Dios kuchʼobʼ ri kqanaʼo chiʼ oj kʼo pa bʼis (Zacarías 2:8, 9).

Kukubʼsaj akʼuʼx chiʼ kawetaʼmaj che kkʼis na ronojel ri kʼaxkʼolil (Salmo 37:9-11).

¿LA QASTZIJ KʼU RIʼ RI KUBʼIJ RI UTZIJ RI DIOS?

Qastzij, rumal kebʼ jastaq:

• Ri Dios itzel kril ri kʼaxkʼolil xuqujeʼ che kʼot sukʼilal. Chachomaj ri xunaʼ ri Jehová chiʼ ri utinamit sibʼalaj xbʼan kʼax che ojer. Ri Utzij ri Dios kubʼij che areʼ sibʼalaj xbʼisonik rumal che «kakiraq kichiʼ rumal ri kʼax ri kabʼan chike» (Jueces 2:18, U tzij ri Dios pa quiche aj Guatemala [SBU], ortografía actualizada).

  Ri Dios sibʼalaj itzel keril ri winaq che kkibʼan kʼax chike nikʼaj chik. Jun kʼutbʼal, ri Utzij kubʼij che sibʼalaj itzel kril «ri qʼabʼaj ri kebʼukamisaj winaq ri man kʼo ta kimak» (Proverbios 6:16, 17).

• Ri Dios kok il chaqe pa qajujunal. Paneʼ kachomaj che xaq xiw at awetaʼm ri akʼaxkolil xuqujeʼ ri aqʼoxomal. Ri qastzij, ri Jehová xuqujeʼ retaʼm (2 Crónicas 6:29, 30).

  Rukʼ ri Rajawbʼal, ri Jehová kresaj na ri qakʼaxkʼolil pa qajujunal (Mateo 6:9, 10). Chiʼ qeyem waʼ, ri Dios kukubʼsaj kikʼuʼx ri winaq che kkitzukuj rukʼ ronojel kanimaʼ (Hechos 17:27; 2 Corintios 1:3, 4).