Chqakʼutuʼ che kqaloqʼoqʼej ri Ajawaxel

Rech kqachajij jun qachiʼl, rajawaxik kojchʼaw rukʼ areʼ. Öj kqata areʼ xuqujeʼ areʼ kojuto. Xuqujeʼ kqabʼij utz täq tzij chirij, che kiwäch nikʼaj chik winaq. Jewaʼ riʼ kqabʼano rech kqachajij urachiʼlaxik ri Ajawaxel. Chawilampeʼ kubʼij ri Loqʼalaj Pixabʼ che rajawaxik kqabʼan chirij wariʼ.

Uchʼabʼexik ri Jehová ronojel täk qʼij. «Amaqʼel (siempre) chibʼanaʼ chʼawem.» (Romanos 12:12.)

Usikʼixik uwäch ri Utzij ri Ajawaxel, ri Loqʼalaj Pixabʼ. «Ronojel ri tzʼibʼatalik petinaq rukʼ ri Dios, utz che tijonik, che pixbʼenik, che jikʼonik, [...] che ri sukʼilal.» (2 Timoteo 3:16.)

Ukʼutik chike nikʼaj chik winaq chirij ri Ajawaxel. «Rumal kʼuriʼ, jix, chibʼanaʼ tijoxelabʼ chike le winaq pa konojel ri tinamit cho ri uwäch ulew, chetijoj che unimaxik ronojel jas ri xixintaq wi.» (Mateo 28:19, 20.)

Chojqebʼ kukʼ täq urachiʼl ri Ajawaxel. «Chawekʼaj awibʼ kukʼ ajnojabʼ, kariq na kʼut anoʼj.» (Proverbios 13:20.)

Opanik pa täq riqbʼal ibʼ pa ri Ja rech Ajawbʼäl (Salón del Reino). «Qas chqilaʼ qibʼ, chqapixbʼej qibʼ che ri loqʼoqʼem qakʼux xuqujeʼ ri utz täq chak, [. . .] chqapixbʼejla qibʼ.» (Hebreos 10:24, 25.)

Uchajexik ri chak rech ri Ajawbʼäl rukʼ qatobʼonik. «Che jujunal bʼa chiyaʼ jas kpe pa iwanimaʼ, man rukʼ ta bʼis, [. . .] rumal ta rech che xa ta kukoj choqʼabʼ chiwe, ri Dios keʼuloqʼoqʼej ri keyaʼn rukʼ kikotemal.» (2 Corintios 9:7.)