Chqabʼanaʼ sibʼalaj utz che ri qachak: chqachomaj ri kqabʼij chi’ ri winaq kkiqʼatej uwach ri qatzij

¿Jasche rajawaxik? Chachomajampeʼ che awetaʼm che kpe jun nimalaj kʼax xuqujeʼ kekam kʼi winaq we kkikol ta kibʼ. Katbʼe cho rachoch jun akʼul ja rech kabʼij che, ri are katuqʼatej kubʼij chawe che kʼo tajin kubʼano. ¿La kaya kan chjeriʼ? ¡Qastzij riʼ che kaya ta kanoq! Xaq junam rukʼ, kʼi winaq kkaj taj kkita ri kqabʼij chke rumal che ketaʼm taj che ri utzij ri Dios kukol ri kikʼaslemal. Weneʼ kʼo tajin kkichomaj chiʼ kojopan che kisolixik (Mat. 24:​37-​39). O weneʼ xa kʼo kitom chqij che utz taj (Mat. 11:​18, 19). Weneʼ kkichomaj che xaq oj junam kukʼ nikʼaj chik kojonik che kkibʼan itzel taq jastaq (2 Ped. 2:​1, 2). We ri winaq kraj taj kutatabʼej ri kqabʼij che, aninaq taj kqachomaj che kqaya kanoq.