Adoracion
¿Pillatataq adoranantsik?
Bibliachö willakunqan:
Mt 4:8-10. Juk kutillapis adoraptinqa llapan gobiernukunata entreganampaqmi Satanasqa Jesusta nirqan, peru Jesusqa Jehovällatam imëpis adorëta munarqan, tsëmi Satanaspa tentacionninman ishkirqantsu.
Ap 19:9, 10. Apostol Juanmi juk angelpa puntanman qonqurikuyta munarqan, peru tsë angelqa manam tsëta rurananta dejarqantsu.
¿Imanö adoranatataq Jehoväqa munan?
Bibliachö willakunqan:
Is 1:10-17. Mandakunqankunata mana cäsukur adoraq tukoqkunataqa manam Jehovä chaskintsu.
Mt 15:1-11. Jehovä mandakunqankunata cäsukuyänampa rantin costumbrinkunallata välitsir adoraqkunataqa Jehovä mana chaskinqantam Jesusqa nirqan.
¿Pikunawan juntu Jehoväta adoranapaqtan kallpachakushwan?
Kë textukunatapis leyi: Sl 133:1-3.
Bibliachö willakunqan:
Hch 2:40-42. Shumaq parlakur juntaräriyänampaq, Jehoväman mañakuyänampaq y Diospa Palabrampita yachakuyänampaqmi punta cristiänukunaqa juntakäyaq.
1Co 14:26-40. Alli yachakuyänampaq y entiendiyänampaq reunionkuna alli ordenädu y shumaq yanapakoq kanampaqmi apostol Pablu nirqan.
¿Imatataq rurashwan adoranqantsikta Jehovä chaskinampaq?
Bibliachö willakunqan:
Heb 11:6. Adoranqantsikta Jehovä chaskinampaqqa llapan shonquntsikwanmi Pëman markäkunantsik o yärakunantsik. Tsëtam apostol Pablu nirqan.
Snt 2:14-17, 24-26. Markäkoq o yärakoq kanqantsiktaqa rikätsikuntsik ruranqantsikkunawanmi, y manam shimillapatsu. Tsëtam nirqan Jesuspa wawqin Santiägu.