¿Imakunapa pasarnintaq kawëta munashwannatsu?

Estädus Unïduspita Sallyqa,a cäsi llapan kapunqantam oqrarirqan mantsakëpaq shukukï vientu pasariptin. Pëmi kënö willakun: “Manana aguantëta puëdinqätam pensarqä. Y mëtsika junaqkunam kallpannaq sientikoq kä”.

Kuyashqa kastantsik wanuptinqa alläpa llakikïpaqmi. Australiapita Janïce warmim kënö nin: “Ishkan wamräkuna wanuriptinqa mananam kawëtapis munarqänatsu, peru alli sientikïta munarmi imëkata rurarqä. Diostam kënö rogakoq kä: ‘Diosllä ¡manam aguantëta puëdillänatsu! Punukïkurqa manam riyamïta munaqnatsu kä’”.

Danielta warmin jukwan engañëkuptinmi, kawënin manana välinqanta sientirqan. Pëmi kënö nin: “Warmï jukwan engañamashqa kanqanta willaramaptinqa, imëka shonqüpa juk cuchillu pasareqtanömi sientirqä. Y atska killakunapam, kutin kutin juk cuchilluwan tuksiyämanqantanö sientirqä”.

¿Këkunapa pasarku kawëta munankinatsu?

• Desgraciakunapa pasarnin

• Kuyashqa kastantsik wanuptin

• Qowëki o warmiki jukwan ëwakuptin

• Mana kachakaq qeshyawan qeshyakurkurnin

• Alläpa llakikurnin

Kë revistam yachatsikun këkunapa pasëkarnimpis yamë kawakïta puëdinqantsikta.