Carta de la Sucursal

Reinopita willapäkoq kuyashqa wawqi panikuna:

Alläpam kushikuyä pasaq watachö 4 sucursalkunapa territorionchö alli willapäkuyanqampita. Ecuadorchömi 2006 abril killapita 2007 abril killayaq, killa killa publicadorkuna mirayashqa y chäyashqa 58.421 publicador këman, y estudio biblicotanam qoyashqa 98.302 nunakunata. Peruchönam octubre killacho 152.073 estudio biblicota qoyashqa, y marzo killachönam 20.091 precursor regular këman chäyashqa. Venezuelachönam enero killacho 100.000 publicadorkunapitapis masman chäyashqa, y abril killachönam 104.014 publicador këman chäyashqa. Colombiachönam abril killacho 130.846 publicador këman chäyashqa, y tsë killallachömi 179.775 estudio biblicota qoyashqa. Këkunachömi rikantsik alli uryayanqëkita Jehová bendecikämonqanta.

Chuskun nacionchömi haqiyarqan 15 millonpitapis masta, tratado Noticias del Reino núm. 37, “¡Se acerca el fin de la religión falsa!” (¡Mana alli religionpa ushakënin këllachönam!) nishqanta. Reunionman manana ewaq huk panish chaskinaq huk tratadota, leirïkurnash tsë waraq pasëpa pununaqtsu. Shamoq domingochönash ewanaq reunionman y wayinchö Bibliapita yachatsiyänampaqshi mañakunaq.

Kë campañakunaqa, alli shonquyoq nunakunata Bibliapita yachatsinapaqmi (Mat. 28:19, 20). Tsëmi willapäkuyanqëkicho yachakï munaqkunata tarirqa, kallpachakuye Bibliapita yachatsir qallayänëkipaq. Alläpam kushikuyä kë alli uryachö qamkunawan uryëkäyanqäpita. Kuyakïnïkunata chaskiriyë wawqi panikuna.

Wawqikikuna,

Sucursal Wayipita