Sucursalpa cartan

Reinupita willapäkoq kuyashqa wawqikuna:

2005 watachomi, atska huracankuna ushakätsirqan Estados Unidospa wakin markankunata. Atska waranqa wawqikunam tse desgraciacho sufriyarqan.

Katrina shutiyoq huracampita huk Testigu salvakashqam keno willakorqan: “Hanäkunacho ropäkunallawanmi chäyarqa. Wawqikunam shumaq chaskiyämarqan, kikïkunapa wayïkunachono kayänatam munayarqan. Quedakuyänatam munayarqan”.

Puwaq waranqapitapis masmi wawqintsikkuna y panintsikkuna uryayashqa, 60 tukilaya Comités Regionales de Construcción nishqanwan, pekunam qoyashqa tiempunkunata, yachayanqankunata y kayäponqankunata wawqintsikkunata yanapayänampaq. Yanapakïninkunawanmi altsayashqa y rurayashqa 86 reunionnintsikpaq Ellukäna Wayita y 4.178 wawqintsikkunapa wayinkunatapis. Altsepaq kanraqmi 5 reuniompaq Ellukäna Wayikuna y 722 wawqintsikkunapa wayinkunapis. Wakinkunaqa sellama karupitam ewayarqan yanapakuyänampaq. ¡Imanomi agradecikuntsik kuyakipa yanapakïninkunata! (1 Tes. 5:18.)

Huk yanapakoq shamoq panim keno nerqan: “Familiakuna mushoq wayinkunata rikarninmi allapa kushikuyarqan, tseta rikarninmi noqapis sellama kushikorqa. Manam imanopa kushikonqata rikätsikita pueditsu Jehovapa markancho kanqata”.

Razumpam kë rurëkunaqa rikätsimantsik allapa kuyanakonqantsikta hinantin Patsacho wawqintsikkunawan. Allapam mañayaq llapan kuyashqa wawqintsikkunapaq orakuyanekipaq, tse desgracia pasaq wawqintsikkunapaq y yanapakoq wawqintsikkunapaqpis (Juan 13:35; 2 Cor. 1:11).

Wawqikikuna,

Sucursal Wayipita