Carta de la Sucursal

Diospa Gobiernompita yachatsikoq kuyashqa wawqi panikuna:

Alläpam kushikuyä pasaq 2008 watachö 403.008 wawqi panikuna Ecuadorchö, Perüchö, Venezuelachö y Colombiachö rurayanqëkipita. Kë llapankunapitam 57.604 precursor regular kayan, ¡ima kushikïpaqraq congregacionkunachö yanapakïkäyan! (Tito 2:14).

Hina, Jesuspa Wanïnin Yarpë witsanchöpis atskaq wawqi panikunam precursor auxiliar kayashqa. Marzo killachöqa 43.084 wawqi panikunam precursor auxiliar kayashqa, abrilchönam 24.151, y mayo killachönam 20.758. Kë wawqi panikunaqa, ‘llapan shonquncunawan cushi cushillam’ congregacionta yanapayashqa (Rom. 12:11).

Diospa Gobiernompaqrëkur rurayanqëkipitam Jehová bendecikäyäshunki, tsëmi 641.420 nunakuna Bibliapita yachakïkäyan. Hina pasaq watachömi 125 Ëllukäna Wayikunata rurayashqa, y 35 Ëllukäna Wayikunatanam altsayashqa, tsënöpam Jehoväpa markanman yëkoqkunaqa Pëpita yachakuyanqa (Isa. 2:3).

Chuskun nacionkunachömi sábado 22 de marzo de 2008, Jesuspa Wanïnin Yarpëman ëwayashqa 1.351.292 nunakuna. Kë llapanchömi rikëkantsik Diospita yachakïta munaqkuna kayanqantaraq, publicadorkunapitapis kima kuti más shayämushqa kaptin.

Kuyakïwan y mana ichikllapaq churashpam Jehoväpa Gobiernompita yachatsikïkantsik, y tsënö rurayanqëkita Jehová bendecimunampaqmi mañakïkäyämü. Kuyakïnïkunata chaskiriyë wawqi panikuna.

Wawqikikuna,

Sucursal Wayipita