¿Imanötaq revistakunawan yachatsikushwan?

Täpakoq 1 de marzo

“Kanan witsanqa atska nunakunam suegrokunawan allillaqa apanakuyantsu. ¿Mëchöraq alli consëjokunata tarishwan suegrokunawan alli apanakunapaq? [Shuyäri contestashunëkita.] Kë Täpakoq revistachömi Jehoväpa alli yachatsikïninkuna kan familiachö alli kawakunapaq.” Leiri Filipenses 2:4.

¡Despertad! Marzo

“Biblia ninqanta atska nunakuna respetarnimpis, wakin kaq yachatsikïninkunataqa mana väleqpaqmi churayan. ¿Ima ninkitaq qamqa? [Shuyäri contestashunëkita. Tsëpitana leiri Romanos 15:4.] Kë revistam yachatsikun Bibliapa wakin kaq yachatsikïnin unëna qellqashqa karpis, kanan witsampaq allilla kanqanta.” Kë revistapa 28 kaq päginampita parlapäri.

Täpakoq 1 de abril

“Hukta tapurishqëki, ¿Bibliata Diospa Palabrantanöku o huk alli librotanöllaku rikanki? [Shuyäri contestashunëkita.] Kikin Biblia ninqanta rikärishun [leiri 2 Timoteu 3:16, 17]. Kë revistam yanapakun Bibliaman creita o mana creïtapis kikintsik akranapaq y tsë rurë imanir alläpa precisanqantam rikätsikun.”

¡Despertad! Abril

“¿Kananqa manam tiempo tinkunnatsu ni ima rurëpaqpis aw? [Shuyäri contestashunëkita.] Atska nunakunata yanapanqan consëjotam rikäratsïnikita munä [leiri Filipenses 1:10]. Kë revistachömi atska yachatsikïkuna kan tiempontsikta alli rakinapaq.”