¿Yachatsikïkankiku ushanan kaq päginachö këkaqwan?

Huk revistata chaskirirqa, hananllataran nunakuna puntata rikäriyan, tsëpitanam, mana cuenta qokurlla huknin waqtantaraq rikäriyan. ¿Cuentata qokushqankiku tsënö rurayanqanta? Nunakuna leiyänampaq kaq Täpakoq nishqan revistapa ushanan kaq päginanchömi atska tapukïkuna, alli pensatsikoq yachatsikïkuna y ima päginachö tsëkuna këkanqampis yarqamun.

Tsëchömi tarintsik shumaq parlapäkur qallanapaq yanapakïkunata. Tsëmi yanapamäshun kutin kutin yarqunqantsik territoriochö nunakunata tukïnöpa parlapar qallanapaq, y killachö tukï tapukïkunata ruranapaq. Hinamampis, nunakunata alläpa ocupädota tarirninqa, ushanan kaq päginachö këkaq tapukïkunata raslla rikäratsirmi kënö nirinkiman: “Kë tapukïkunapita musyëta munaptikiqa kë revistata qarëkushqëki y yapëchö tiempïki kaptinnam masllata parlakurishun”. Wakin publicadorkunanam, revistapa ushanan kaq päginanta nunakunata rikäratsir, mëqan tapukïpita yachakïta munayanqanta akrayänampaq niyan. Tsëpitanam, tsë tapukïpa respuestanta mëchö tariyänampaq kaqtapis rikäratsiyan, y puntallapitana akrayanqan texto leirapuyan. ¿Qamqa pensashqankinaku Täpakoq nishqan revistapa ushanan kaq päginanchö këkaqwan imanö yachatsikunëkipaqpis?