Imanötaq preparakushun revistakunawan yachatsikunapaq
1. Reinupita Willapäkunapaq presentacionninllata yachakonqantsiknoqa, ¿imanirtaq más alli kanman kikintsik revistakunapaq presentacionninta preparakunantsik?
1 “¿Revistakunawan yachatsikunapaq preparaki? ¿Imapaqtaq, llapan killacho Reinupita Willapäkunapaq nishqancho shamun kë presentacionkuna?”, itsa tseno qam tapukunki. Razunmi, wakinkunataqa allim yanapashqa, tseno kaptimpis, manam necesitannatsu preparakunantsik ninantsu. Huk territoriucho presentación alli karpis itsa huk territoriuchoqa allitsu kanqa, tsemi manam obligadotsu kekanqantano inshinantsik Reinupita Willapäkunapaq nishqancho presentacionkunata. Tse presentacionkunata inshirnimpis, más alli kanqa tsecho nenqankunata kikintsik parlanqantsikno yachatsishqam.
2. ¿Revistapita huk tëmata yachatsikunapaqqa imakunatam ruranantsik?
2 Huk tëmata akrë: Puntata revistata leyirïkur, akrë markekipaqno tëmata y alli gustashonqekita. Qam yachakonqekita allipa creyinqekim y kushishqa ofrecikonqekim, itsa yanapanqa wiyashoqnikita pëpis leyita munanampaq. Hinamampis, huk shumaq temapita yachatsikita munarqa, allim kanqa llapan revista nenqanta leyineki, tsenopam shumaq tumatsinki presentacionnikita huk temaman más interesaq nunata tarirnimpis.
3. ¿Puntata imataraq rurankiman más alli willapäkunekipaq?
3 Huk tapukita rurë: Tsepita shumaq preparaki puntata parlanëkipaq kaqta. Puntata nenqantsikqa allapa precisum. Itsa wayiyoqta huk alli tapukita rurankiman pensanampaq y más interesanampaq tse temaman. Mas alli tapukikunaqa pekuna parlayämunampaq kaqmi. Tseno kaptimpis manam tapushuntsu mana alli sentikuyananta o piñakuyanan kaqtaqa.
4. ¿Imanirtaq allapa alli kanman huk textu leyirapunantsik shumaq tiempu kaptenqa?
4 Huk textuta leyi: Tsepita akrë huk textu biblicuta shumaq tiempu kaptenqa leyirapunekipaq, itsa akrankiman ofrecinekipaq kaq temapita. Huk textuta leyirninmi rikatsintsik nunakunata, willapäkinintsikqa Diospa Palabrampita kanqanta (1 Tes. 2:13). Hina leyinqantsik textuqa, Bibliapita musyayanampaqmi sirwenqa mana revistata munayaptimpis. Wakin wawqikunaqa nunakuna más interesäyanampaq, puntataqa leyipuyan huk textuta, manaraq huk tapukita rurarnin. Wakinqa puntata kenomi niyan: “Musyetam munä ima pensanqekitapis kë versiculucho Biblia nishqanta”. Tsepitanam rikätsiyan revistacho tse versiculupita huk tëmata, shumaq kayiyänampaq y revistaman más interesäyanampaq manaraq ofrecirnin.
5. ¿Imatataq cuentaman churanantsik Revistakunawan yachatsikunapaq preparakurnin?
5 Manam imapis nintsu huknollapa revistakunata ofrecikunapaq. Más alleqa, ichikllacho raslla revistakunata ofrecinqantsikmi. Shumaq willapäkunekipaq kaqta akrë y más shumaq wiyayänan kaqta. Rikäshun allapa alli revistantsikkuna kanqanta y kushishqa ofrecikushun. Shumaq preparakurninqa La Atalaya y ¡Despertadtam! haqishun ‘alli listu mana wanushpa kawayänampaq’ kekaqkunapa makinkunacho (Hech. 13:48).