Alli yachatsikoq kë: parlapar qallanëkipaq shumaq preparakï
¿Imanirtaq alläpa precisan? Nunakunata parlapar qallanapaqqa shumaq yachakïta munayänampaqnöllam parlapärishwan, sinöqa manaraq yachatsishqa itsa witikuriyanqa. Mëtsikaq publicadorkunam imanö yachatsikur qallanqantsik mas precisanqanta niyan. Diospita Yachatsikunapaq y Razonamiento libruchö, imanö yachatsikunapaq yanapakïkuna kaptimpis, manam llapanchötsu yanapamäshun. Tsëmi publicadorkunaqa juknömampa patsätsita o kikinkuna preparakuyanqanta utilisëta puëdiyan. Wayiyoq yarqaramunqan höraraq imata ninapaq kaqta pensanapa rantinmi, mas alliqa kanqa imanö parlapar qallanapaq kaqta puntallapitana preparakunqantsik (Prov. 15:28).
Entëru killachö këta rurëta procurë:
Familiachö Diosta Adorana Hörachö yachatsikur imanö parlapar qallayänëkipaq kaqta preparakuyë y kutin kutin yachakuyë.
Wakinkunawan yachatsikurninqa wayiyoqta imanö parlapar qallanëkipaq kaqta willari (Prov. 27:17). Mana allinö yarqupushuptikiqa jukläyana patsäratsi.