Wiyëta munëkäyanqanta parlapäshun
1. ¿Imanirtaq alläpa precisan parlapar qallanapaq alleq preparakunantsik?
1 Pipis mikurinapaq invitamarnintsikqa, imallatapis munapëpaqtam shumaq ruraramun. Jina tsënöllam, noqantsikpis nunakuna mas yachakïta munayanqan kaqta Bibliapita parlapashwan, y tsëpaqqa tiemputam jorqanantsik alleq preparakunapaq (Prov. 15:28). Parlapar qallashqaqa, manam imapita parlarinqantsik o atska tiempupa parlapanqantsiktsu alli kanampaq yanapamäshun. Tsëqa, ¿imatataq rurashwan?
2. ¿Imanötaq preparakushwan parlapar qallanapaq?
2 Wiyëta munayanqan kaq. Parlanqantsik pëkunapaqnö mana kaptinqa, manam wiyamënintsikta munayanqatsu. Tsëmi alläpa precisan markantsikchö wiyëta munayanqankunata musyanantsik. ¿Mas alli gobiernutatsuraq munayan? ¿Kastankunawan kushishqa kawakïtatsuraq munayan? ¿Guërrakuna ushakärinantatsuraq munayan? Atskaq nunakunam imata pensayanqampita parlakurita gustayan, tsëmi alläpa alli kanman parlakarayämunampaq tapukïta rurarinantsik. Itsa Diospita Yachatsikunapaq ninqannö rurarishwan. Alläpa allim kanman Familiachö Diosta Adorana Hörachö yachakurinqantsik.
3. ¿Imanötaq nunakunapa creenciankunata y costumbrinkunata cuentaman churar yachatsikushwan?
3 Costumbrinkuna y creenciankuna. Wakin markakunachöqa raslla imatapis ninatam munayan, peru wakin markakunachönam puntata, saludarinata y imanö këkanqanta y juk cösaskunapita parlapärinataraq munayan. Bibliata respetaq nunakunaman chärirqa, itsa Bibliapita ras parlapar qallëkushwan (Hëch. 2:14-17). Peru Jesusman o Bibliaman mana creeq nunakunaman charqa, itsa yapë kutirninraq Bibliapitaqa parlapashwan (Hëch. 17:22-31).
4. ¿Parlar qallanapaqqa imakunatataq allipa yarparänantsik?
4 Imanö parlapar qallanapaq. Alli pensëkur-raqmi akranantsik imakunata parlanantsikpaq kaqta, mas alliqa ichikllata y fäcil-llata nirinqantsikmi. Jina alläpam precisan imanö nikanqantsikta cuentaman churanantsik. Kushi kushilla parlapë, tsënö ruraptikiqa mas confiansam parlapärishunki. Tsënöpam “Jehoväpa mësanchö” kaqta munapärinqa (1 Cor. 10:21, NM).