Rasumpa kaqta yachatsikoq revistakunatam puritsintsik
1. ¿La Ataläyawan ¡Despertad! imanötaq yanapamantsik willapäkïnintsikcho?
1 La Atalaya. Anunciando el Reino de Jehová y yanaqin ¡Despertad revistam, alläpa yanapamantsik wayin wayin willapäkunapaq y bautizakuyanqanyaq yanapanapaqpis (Mat. 24:14; 28:19, 20). Alläpam kushikuntsik kë ishkan revistakunawan Reinopita willapäkurnin.
2. ¿Punta kanqampita imachötaq hukläya kayan La Ataläyawan ¡Despertad! revistakuna, y imanir?
2 Watakuna pasanqanmannömi, revistakuna más päginakunayoq y tukï tëmakunayoq yarqamushqa, hina yachakorqontsikmi imanö puritsinapaqpis. Këkunataqa rurantsik nunakuna leiyänanta munarmi y Diospa yachatsikïnin shonqunyaq chänampaq, y ‘llapan nunakuna salvakuyänampaq y rasumpa caq yachatsiquicunata musyayänampaqmi’ (1 Tim. 2:4).
3. ¿Imanöraq willapäkushun revistakunawan?
3 2006 enero killapitam huk ¡Despertad! revistallawan willapäkunapaq yachakorqontsik. Kanampis willapäkunapaq yarqamonqa hukllëllam killachö La Atalaya. Anunciando el Reino de Jehová nishqan revistapis. Reinopita Willapäkunapaq ushanan päginachömi këkan revistawan imanö yachatsikunapaqpis. Presentacionkunaqa kayan qallanan tïtulonpeqnöllam, tsënö karpis höraqa wakin wiyakuyänampaqnöllam tëmakuna kanqa. Revistata alleq leirnenqa más allim yachatsikushun, y markantsikpaqnöllam yacharatsishwan.
4. Reinopita Willapäkunapaqcho yachatsikïkuna kaptimpis, ¿imanirtaq hukläyapapis yachatsikushwan?
4 Reinopita Willapäkunapaqcho cada revistapaq ishkë clase yachatsikï kaptimpis, hukläyapapis yachatsikunkimanmi. Itsa täranqëkicho nunakunaqa, revistacho wakin tëmankunapita yachakïta munayanqa. O qampaq más alli kanman, gustashonqëki tëmakunapita nunakunata parlapë.
5. Revistawan yachatsikunëkipaq manaraq preparakurnin, ¿imataraq puntata rurankiman?
5 Willapäkunëkipaq, ¿imataraq puntata rurankiman? Willapäkunëkipaq revistata ushaq mana leirpis, akranqëki tëmataqa leinkimanmi willapäkunëkipaq. Kushishqa y rasumpa kaqta parlanqantsiktaqa alläpa allim rikätsikunantsik, këtaqa rurashun revistata alleq leishqa karninmi.
6. ¿Imataraq rurankiman kikiki munanqëkinö willapäkunëkipaq?
6 Kananna imanöpa contestashunëkipaq kaptimpis, yachakï willapäkunëkipaq. Revista nenqannömi wiyashunëkipaq shumaq tapurinkiman. Diospa Palabran nunakunapa shonqunman chänampaq markäkï (Heb. 4:12). Tsëmi imapita parlanëkipaqpis akrë huk textota, más alleqa kanman kikin revistacho këkaq textom. Kananna pensë revista nenqanwan imanö textota tinkutsinëkipaq.
7. ¿Imanötaq willapäkïnintsikta más alliyätsishwan?
7 Mëcho tsëchö këkarpis willapäki: Willapäkunapaq yachakonqantsik alli yarqunampaqqa, yachakonqantsikmannöllam ruranantsik. Congregacionwanmi säbadokunapa revistawan willapäkoq yarqunkiman. Mëqan publicacionta chaskikushqakunatapis qonkimanmi revistankuna. Biblia estudiaqkunata imëpis revistan haqipunkimanmi, y wiyakïta munaqkunaman kutirpis, tsëchö këkaqkunata revistan haqipï. Viajecho, o rantipakoq ewanqëkichö, o doctorta shuyaranqëkichöpis parlapanqëki nunakunatam revistan haqipunkiman. Tsënö yachatsikurninmi willapäkïnikita alliyätsinki.
8. ¿Imanirtaq La Atalaya y ¡Despertad! revistakunanöqa huk revistakuna kantsu?
8 La Atalaya. Anunciando el Reino de Jehová y ¡Despertad! revistakunanöqa, manam ima revistakunapis kantsu. Jehovalla ciëlota Patsata gobernamunampaq autoridadyoq kanqampitam kë revistakunaqa parlayan (Hech. 4:24). Reinopita alli noticiata parlashqam nunakuna kushiyanqa, y Jesucristuman más creikuyänampaqmi yanapanqa (Mat. 24:14; Hech. 10:43). Hinamampis, musyatsimantsikmi Biblia nenqankuna hinantin Patsachö cumplikëkanqanta (Mat. 25:13). Markëkichö nunakunata kë revistakunawan yachatsi: mëcho tsëchö këkarpis haqinëkipaq alleq yachakï.
9. ¿Imataraq rurashwan wiyakïta munaqkunaman kutinapaq?
9 Ushanëkipaqna huk tapukïta haqiri, tsëman yarpänampaq. Revista chaskikoqkunata tarir, o shumaq parlakoqkunawan toparqa, kutinkimanmi Bibliapita yachatsikunëkipaq. Rasumpa kaqta shumaq kuyakïpa willapäkushqaqa, munariyanqam nunakuna Jehovapita shumaq yachakïta y servita (1 Cor. 3:6).