¿Musyankinaku mëqanta chaskinëkipaq kaqta o mana chaskinëkipaq kaqtapis?

Kananqa imëpitapis masnam më tsë hospitalkunachöpis yawarninnaq operayan. Y qamqa, ¿yawarninnaq operakunëkirëkur mëqan kaqkunatapis akranëkipaq alleqnaku musyanki? Operacionkunachö, y huk tratamientokunachö allita akranëkipaq musyanëkiqa alläpam precisan. La negativa a la sangre. La medicina acepta el reto videota rikänëkipaqmi niriyaq. Tsëpitana, Diosman mañakurir kë hawanchö tapukïkunawan yachakunqëkita yarpäri. Këtam willariyaq: kë videochöqa doctorkunapis nunakunata operëkäyanmi, tsëmi llapan teytakunata yarpätsiyä pishi wambrankuna mana mantsakäyänanrëkur cuidado kayänampaq.

1) ¿Imanirtaq Jehoväpa testïgonkuna yawar churakïta munayantsu? 2) ¿Ima tratamientotataq munayan Jehoväpa testïgonkuna doctorkunaman ëwarnin? 3) ¿Ima precisaq derëchonkunataq kan hampikïta munaqkunapa? 4) Yawarpa rantin imata churamänapaqpis kikintsik akranantsik, ¿imanirtaq alläpa alli? 5) Pitapis operayaptin alläpa yawarnin yarquptinqa, ¿ima ishkë cösaskunatataq puntata doctorkuna rurayanman? 6) ¿Ima chusku tratamientokunataq kan yawarta mana churayänampaq? 7) Operacionkunachö, ¿imataraq doctorkuna rurayanman a) yawar mana alläpa yarqunampaq, b) glóbulos rojos nishqanta mana perditsiyänampaq, c) yawar kikinlla más atskayänampaq y d) yawar yarqoqta recuperäyänampaq? 8) ¿Imanötaq a) hemodilución nishqanta rurayan y b) yawarta recuperäyan? 9) Yawarpa rantin imata churayäshunëkipaqpis niyäshuptiki, ¿imatataq qam musyanëki? 10) ¿Atska hora y alläpa sasa operacionkunata rurëta puëdeyanmanku yawarta mana churashpa? 11) ¿Ima allikunatanataq doctorkuna rurëkäyan?

Kë vidëochö rikanqantsik tratamientokunata chaskinampaq o mana chaskinampaqpis, cada cristiänom akranan Bibliawan yachatsishqa conciencian ninqannö. Qamta y pishi wambrëkikunata yawarta mana churayäshunëkipaq, ¿musyankinaku ima tratamientotapis akranëkipaq? ¿Qellqarqunkinaku yawar churakïta mana munanqëkita CIAM (Consentimiento Informado para la Atención Médica) nishqan tarjetëkiman? Manaraq qellqar, “Preguntas de los lectores” nishqanta, La Atalaya 15 de junio de 2004 y 15 de octubre de 2000 revistakunachö alli rikäri. Tsëpitana, noviembre de 2006 kaq Reinopita Willapäkunapaq suplementompita yachakuri “¿Qué opino de las fracciones sanguíneas y de los procedimientos médicos que impliquen el uso de mi sangre?”, nishqan tïtulompita, tsënöpa musyanëkipaq mëqanta chaskinëkipaq y mana chaskinëkipaq kaqtapis. Tsëta alli pensarir, qellqari CIAM nishqan tarjetëkiman. Qampaq parlakamoqkuna y mana Testigo kaq familiëkikunapis musyayänanmi decisionnikikunapita y imanir tsëkunata decidinqëkita.