¿Tsëpitanam rurashaq nikankiku?
¿Imapitataq parlëkantsik? Qellqanëkipaq tarjeta Consentimiento Informado para la Atención Médica (CIAM) nishqampitam, tsëtaqa llapan bautizakushqa kaqkunam katsinantsik. Manam musyantsiktsu ‘ware warätin ima pasamänantsictapis’, tsëmi akrashqana kashwan ima hampiwan y imanö hampimänapaq kaqtapis, tsëpaqmi tarjëtantsikta qellqashqatana katsishwan (Sant. 4:14; Hech. 15:28, 29). Tsëta alli musyar akranëkipaqmi Asistencia médica sin transfusiones. Necesidades y derechos del paciente nishqan vidëota rurayämushqa. Puntata vidëota rikäri, y Jehoväman mañakurir, imata yachakunqëkitapis rikäri kë tapukïkunawan. (Kë videochöqa kanmi doctorkuna nunakunata operëkaqpis, tsëmi llapan teytakunata y mamakunata yarpätsiyä pishi wambrankuna mana mantsakäyänanrëkur cuidado kayänampaq.)
1) ¿Ima niyantaq wakin doctorkunaqa cuerpoman yawar churëpaq? 2) Parlakaramï yawarninnaq kima sasa operacionta rurayanqampita. 3) ¿Ëka doctorkuna y operaqkunataq qeshyëkaqkunata yawarninnaqlla hampita o operëta munayan? ¿Imanirtaq tsënö rurëta munayan? 4) ¿Imatataq yawarpaq rikätsikushqa tukï hospitalkunachö estudiota rurayanqan? 5) ¿Ima peligrokunamantaq chätsikun yawar churakï? 6) ¿Ima niyantaq wakin doctorkuna yawarta mana churarlla qeshyëkaqkunata hampiyanqampaq? 7) ¿Imapitataq anemia qeshya tsarikun? ¿Cuerpontsik mëyaqtaq aguantanman anëmiata? ¿Imanötaq doctorkuna anemiayoqta yanapayanman? 8) ¿Imataraq rurayanman eritrocitos (glóbulos rojos) nishqan qeshyëkaqpa cuerponchö miranampaq? 9) ¿Imatataq operarnin doctorkuna rurayanman mana alläpa yawar yarqunampaq? 10) Wambrata hampiyänan kaptin, o pipis alläpa grave kaptin, ¿yawarninnaq hampikuna o huk tratamientokuna allitsuraq kanman? 11) ¿Qeshyëkaqkunata alli atiendeyänanrëkur, pipa pensënintataq precisatsiyänan alli doctorkunaqa? 12) Ima emergenciapis kaptin o operacionman yëkunantsik kaptin, ¿imanirtaq yawar churakïta mana munanqantsiktaraq puntata willakushwan? ¿Imanötaq tsëtaqa rurashwan?
Cada cristiänom akranan Bibliapita yachakushqa conciencian ninqanmannö, vidëochö rikanqan tratamientokuna mëqan pëpaq alli kanqantapis. Qamta ni wambrëkikunata yawarta mana churayäshunëkipaq, ¿musyayankinaku ima hampikunawan y imanö hampiyäshunëkipaq kaqtapis, y CIAM tarjetëkikunaman qellqayarqunkinaku? “Dios Yayapa kuyakïninchö” libropa 7 kaq capïtulon ninqanta alli yachakuyänëkipaq, y tsëchö huk publicacionkunapaq ninqantawan ashirir yachakuyänëkipaqmi niriyaq. Hina Reinopita Willapäkunapaq noviembre 2006 suplementonchö “¿Qué opino de las fracciones sanguíneas y de los procedimientos médicos que impliquen el uso de mi sangre?” nishqampitapis yachakuri. Y këkunapita yachakur concienciëki ninqanmannö qellqë CIAM nishqan tarjetëkiman. Representante nishqankuna y mana Testigo kaq familiëkikunapis musyayänanmi decidinqëkikunata.
[3 kaq päginachö recuadru]
• Qamta ni wambrëkikunata yawarta mana churayäshunëkipaq, ¿musyayankinaku ima hampikunawan y imanö hampiyäshunëkipaq kaqtapis?
• ¿Alli qellqashqa CIAM tarjetëkita imëpis puritsinkiku?