¿Musyankiku imapis pasashuptiki mëqan tratamientota chaskinëkipaq kaqta?
Mana pensanqantsik höram imëka desgraciapis pasaramashwan (Sant. 4:14). Tsëmi alli pensaq nunaqa puntallapitana alli prevenikun (Pro. 22:3). ¿Akrarqunkinaku ima tratamientotapis chaskinëkipaq kaqta? ¿Tsë akranqëkikunata qellqashqanaku kanki? Tsëpaqmi DVD Alternativas a las transfusiones. Serie documental nishqanchö, Asistencia médica sin transfusiones. Necesidades y derechos del paciente nishqan yanapakï yarqamushqa. Kë DVD-ta rikar rikar kë hawanchö tapukïkunata contestë. Kë vidëochöqa doctorkuna nunakunata operëkaqkunatam rikantsik, tsëmi llapan teytakunata y mamakunata yarpätsiyä pishi wamrankuna mana mantsakäyänanrëkur cuidado kayänampaq.
1) ¿Ima nikäyannataq wakin doctorkuna yawar churëpaq? 2) Parlakaramï yawarninnaq kima sasa operacionta rurayanqampita. 3) ¿Imanirtaq atska waranqa doctorkuna y operaqkuna yawarninnaqlla hampita o operëta munayan? 4) ¿Ima niyantaq wakin doctorkuna hospitalkunachö yawarpaq tukï estudiokunata rurayanqampita? 5) ¿Imamantaq chätsikun yawar churakï? 6) ¿Ima niyantaq wakin doctorkuna yawarta mana churarlla qeshyëkaqkunata hampiyanqan alli kanqampita? 7) ¿Imapitataq anemia qeshya tsarikun y imanötaq doctorkuna yanapayanman? 8) ¿Imataraq rurayanman qeshyëkaqpa cuerponchö eritrocitos (glóbulos rojos) nishqan miranampaq? 9) Doctorkuna operarnin, ¿imatataq rurayan yawarta mana perditsiyänampaq? 10) Qeshyëkaq wamrallaraq o alläpa grave kaptin, ¿yawarninnaqlla hampiqa yanapanku? 11) Doctorkunaqa, ¿pipa pensënintataq respetayänan qeshyëkaqkunata kachakätsita munarqa?
Kë vidëochö rikanqantsik tratamientokunataqa cada cristiänom akranan, pero mëqanta akranëkipaqpis, manam imapis pasashunëkitaraqtsu shuyaränëki. “Dios Yayapa kuyakïnin” libropa 7 kaq capïtulonchö más publicacionkunapaq ninqan y Reinopita Willapäkunapaq noviembre 2006 suplemento ninqankunam yanapashunki ima tratamientotapis akranëkipaq. Bautizado karqa, CIAM nishqan tarjëtaman qellqë y imëpis puritsi.
[3 kaq päginachö ninqan]
¿Akrarqunkinaku ima tratamientotapis chaskinëkipaq kaqta? ¿Tsë akranqëkikunata qellqashqanaku kanki?