1 de marzopitam Jesus Wanunqan Yarpëman invitakushun
1. ¿Imëtaq Jesus Wanunqan Yarpëman invitakur qallashun, y imanirtaq masta rurëta puëdishun?
1 Viernes 1 de marzo killapitam Jesus Wanunqan Yarpëman nunakunata invitakushun, këqa kanqa 26 de marzom. Tsëmi kanan wataqa invitakunapaq más tiempo kanqa. Ojalá tsënöpa más nunakunata invitashwan, congregacionintsikpa territoriokuna atska kaptinnäqa más allim kanqa.
2. ¿Anciänokuna ima niyanqantataq rurashwan, y imanötaq invitacionkunata jorqashwan?
2 Alli churanakushun. Anciänokunam nimäshun territoriota imanö ushanapaq, y wayinkunachö mana tarirnin invitacionta dejanapaq o mana dejanapaqpis. Llapan wayikunachö invitakur ushashqa karqa cällekunachönam invitakushwan. Yachatsikunqantsikta rikaq anciänom encargakunqa mostradorchö hörayoq y direccionyoq invitación kanampaq, publicadorkuna necesitäyanqanmannö tsariyänampaq. Manam llapan invitaciontatsu churëkuyanman. Semänapaq necesitäyanqanllatam publicadorkunaqa apayanman.
3. ¿Invitacionkunata qokurninqa imatataq yarpänantsik?
3 ¿Imanötaq invitakushwan? Alliqa kanqa raslla ruranqantsikmi, tsënö rurarqä más nunakunamanmi chäshun. 4 kaq päginachömi tarishun territoriontsikchö nunakuna entiendiyanqanmannö yachatsikunapaq kaqta. Pipis alli wiyakuptin o tapukïkunata ruramashqaqa masllam yacharatsishwan. Invitakunqantsik semana ushëkunapis munayaptinqa revistakunata dejëta puëdishwanmi. Killapa qallanan säbadota estudio Biblicota qallanapaq utilicëkarnimpis, kë 2 de marzoqa invitakushunllam.
4. ¿Imanirtaq llapan gänasnintsikwan invitakur yanapakushwan?
4 Jesus Wanunqan Yarpëman mëtsikaq shayämunantam munantsik. Tsë discursochöqa Jesucristu rasumpa pï kanqantam yachatsikayämunqa (1 Cor. 11:26). Wanunqan imanö yanapamanqantsiktam rikäshun (Rom. 6:23). Jesusta imëpis yarpëkänapaqmi yachakushun (Juan 17:3). ¡Llapantsik kushishqa y gänasyoq invitakur yanapakushun!