¿Juk rato más quëdakurishwantsuraq?

Wakin publicadorkunaqa kikinkuna patsätsiyanqan hörakunayaqllam imëpis yachatsikuyan, wakinnam pullan junaqyaq. Quizá wakinkunaqa ima rurëninkunapis precisaptin munayanqan hörachö ëwakuyanman. Pero, tapukunantsikmi: ¿täranqantsikchö costumbre kaptinku tsë hörallachö ëwakuntsik? ¿Wakinkuna ëwakur qallayaptinllaku noqantsikpis ëwakuntsik? ¿Territoriochö juk rato maslla quëdakurishwantsuraq, cällekunachö y nunakuna kayanqanchö yachatsikunapaq? ¿Imanirtaq wayiman manaraq kutirnin juk o ishkë revisïtakunata rurantsiktsu? Yachakïta munaqta yapë tarirninqa o cällechö pillatapis revistata dejapurninqa yarpë tsëkunata ruranqëki allipaq kanqanta. Juk rato más yachatsikurnin sïguishqaqa, ‘Diosta alabëmi’ masqa kanqa (Heb. 13:15).