Juk cartata imanö escribinapaq

• Mëchö täranqëkita escribi. Peru mëchö täranqëkita willakï peligrösu kaptinqa, anciänukunata tapuri Diosta adorantsik wayi mëchö këkanqanta escribita puëdinqëkita o mana puëdinqëkita. Tsënö kaptimpis, sucursal mëchö këkanqantaqa AMA IMËPIS willakïtsu.

• Cartata apatsita pensëkanqëki nunapa jutinta musyarninqa, jutinta churari. Tsënöpam rantikoqkunapa willakïnin kanqanta pensanqatsu.

• Juk cartata rurarninqa alli escribitam procuranëki. Escribikanqëki cartaqa shumaq y limpium rikakänan y manam ashnupa karunannötsu kanan. Computadörachö mana rurarninqa, entiendipaqmi escribinëki. Y leyita munëpaqtanömi escribinëki y manam alläpa musyaq tukoqnötsu.

Këchömi juk cartata imanö escribinapaq kaqta rikäshun. Peru täranqëki markachö pipaqpis juk cartata escribita munarqa, ama kaqtanö escribitsu. Kawëninkuna imanö kanqanta, costumbrinkunata y logrëta munanqëkita cuentaman churëkur escribi.