Yanapanakurnimpis Diostam sirwikantsik

8:1-4; 9:7

Cristiänukunapaqa ishkë precisaq rurënintsikkunam kan: 1) ‘amishtatsikï sagrädu rurënintsik’, juk parlakïchöqa, Diospita willakunqantsik y yachatsikunqantsik y 2) “santu nunakunata qoychö” yanapakunqantsik, juk parlakïchöqa, cristiänu mayintsikkunata imëkanöpa yanapanqantsikmi (2Co 5:18-20; 8:4). Awmi, pëkunata yanaparpis Diostam sirwikantsik, y tsëta rurarninqa këkunatam lograshun:

• Mas wanayanqan kaqta qorninmi yanapëkäshun (2Co 9:12a).

• Diosta sirwir sïguiyänampaqmi yanapanantsik. Alläpam precisan Diospita yachatsikoq yarquyänan, porqui tsëta rurarmi Jehoväta agradecikuyanqanta rikätsikuyanqa (2Co 9:12b).

• Jehovätam alabayanqa (2Co 9:13). Juknintsik juknintsik yanapanakushqaqa, noqantsikpaq mana allita pensaqkunapis Diospa sirweqnin kanqantsiktam cuentata qokuyanqa.