DIOSNINTSIKTA ALLI SIRWINAPAQ

Llapan junaqkuna Bibliapita yachakunapaq follëtupita, ¿alliku yachakuykanki?

Llapan junaqkuna Bibliapita yachakunapaq follëtutaqa cada junaqmi leyinantsik. Wakinqa yachakuyanqampita yarpayänampaqmi patsa waraqlla o shärikurirlla yachakuyan, y ¿qamqa imë hörataq yachakunki? (Jos 1:8; Sl 119:97). Mas alli yachakunëkipaqqa, llapan capïtuluta leyinqëkim yanapashunki. Y imata yachatsishunëkipaq kaqman y imanö ruranëkipaq kaqmampis pensë. Diosnintsikpa Palabran yachatsikunqannö imatapis ruranapaq decidinqantsikqa yanapamäshunmi (Sl 119:105).

Betel wayikunachö yanapakoqkunaqa, desayunarirmi Llapan junaqkuna Bibliapita yachakunapaq follëtuta leyiyan. Qoyakunapa Bibliapita yachatsikayämunqantaqa JW Broadcasting^® nishqanchöpis rikëta puëdintsikmi, ashi videukuna DIOSPA YACHATSIKÏNINKUNA neqta. ¿Rikarqunkinaku kë shumaq yachatsikoq videukunata? Këchö yachatsikuykunaqa allipam yanapamantsik. Yachakurishun Lot-ta imata pasanqankunapita.

MANA CÄSUKOQ NUNAKUNATA NI PËKUNACHÖ KAQKUNATA KUYAYËTSU (1JN 2:15) NEQ VIDEUTA RIKÄRIR, KËTA CONTESTARIYË:

¿Biblia ima ninqampitataq yachatsikäyämushqa?
Lot pasanqampitaqa, ¿imatataq yachakuntsik? (Ge 13:12; 14:12; 19:3, 12, 13, 24-26).
¿Imanötaq rikätsikushwan Diosta kuyanqantsikta?

Llapan junaqkuna Bibliapita yachakunapaq follëtutam jövin leyikan: 1) angelkuna, Sodömachö Lotwan familian mana ushakäyänampaq yanapëkäyanqanmanmi pensëkan; 2) yachakunqanmanmi mikunqan höra pensëkan; 3) manaraq punukur röpanta alistanqan höram yachakunqanman yapë pensëkan — Cada junaq Diospa Palabrampita yachakunqantsiktaqa, ¿imanötaq rikätsikuntsik?