Unëpana Diosta sirweqkunapitaqa, imëkatam yachakuntsik

Mëtsika wawqi panikunam unëpana Jehoväta sirwikäyan, pëkuna Jehoväman imanö confiakuyanqampitaqa llapantsikmi yachakuntsik. Tsëmi Diospa markan unë imanö kanqanta y problëmakunapa pasayanqan höra, Jehovä imanö yanapanqampita pëkunawan parlakurinapaq familiantsikwan Diosnintsikta adorana höra, wayintsikman invitarishwan.

Jacobwan Josë, Jehovä yanapanqampita wamrankunata parlapäyanqannöllam qampis unëpana Jehoväta sirwirqa, tsëraq sirwir qallëkaqkunata o jövinkunata Diosnintsik imanö yanapashunqëkipita parlapänëki (Ge 48:21, 22; 50:24, 25). Jehoväqa munarqan, llapan ruranqankunapita teytakuna wamrankunata parlapäyänantam (Dt 4:9, 10; Sl 78:4-7). Tsëmi teytakuna y Diosta unëpana sirwikaqkunapis, jövinkunata parlapäyänan Diosnintsik kanan witsan markanchö imëkakunata ruranqampita.

QATIKACHASHQA KARPIS UNÏDUM KAYARQAN, NEQ VIDEUTA RIKÄRIR, KËKUNATA CONTESTARI:

• Austria Betelchö wawqikunaqa, ¿imanötan yanapayarqan Diospita yachatsikuyänanta michäkuyanqan nacionchö creikoq mayinkunata?

• Diosta sirwiyänanta michëkäyaptimpis, ¿imatatan rurayarqan Jehoväman confiakuyänampaq?

• Rumania nacionchö wawqi panikunaqa, ¿imanirtan Diospa markampita rakikäkuriyarqan y imatan yanaparqan kutiyänampaq?

• Kë videuchö rikanqantsikqa, ¿imanötan yanapamantsik Jehoväman confiakunapaq?