DIOSNINTSIKTA ALLI SIRWINAPAQ
Jövinkuna, papänikikunawan parlakuyta ama penqakuyëtsu
¿Imanirtan papänikikunata imata pensanqekita willankiman? (Pr 23:26). Jehovämi papänikikunata cuidayäshunëkipaq y yanapayäshunëkipaq churashqa (Sl 127:3, 4). Imapaq yarpachakunqëkita o imapa pasëkanqëkita mana willaptikiqa, manam yanapayäshuynikita puëdiyanqatsu. Y manam tsëllatsu, pëkuna imëkapa pasayanqampitaqa manam yachakuyta puëdinkitsu. ¿Peru llapantaku papänikikunata imatapis willanëki? Manam. Peru imatapis mana allita rurashqa karqa, manam pakanëkitsu (Pr 3:32).
¿Imanötan papänikikunawan parlankiman? Capaz llapëki tranquïlu kayanqëki höra parlakunkiman o mana puëdirqa allichi juk cartaman qellqankiman y papänikita o mamänikita entregarinkiman. Papänikikuna parlapäyäshuynikita munayaptin pëkunawan parlëta mana munarqa këta yarpë, pëkunaqa yanapayäshuynikitam munayan. Papänikikunaqa amïguykikunam kayan y manam chikiyäshoqnikikunatsu. Imanö sientikunqëkita y imapa pasëkanqëkita papänikikunata willanqëkiqa, kanan y shamoq tiempuchöpis yanapashunkim (Pr 4:10-12).
JÖVIN KANQÄ WITSAN: ¿IMANÖTAN TEYTÄKUNAWAN PARLÄMAN? NEQ VIDEUTA RIKÄRIR, KË TAPUKUYKUNATA CONTESTË:
¿Ima niyarqantan Estherwan Partik?
¿Imatatan Jesuspita yachakunkiman?
¿Imanötan musyanki papänikikuna kuyayäshunqëkita?
Papänikikunaqa kushishqa y alli kawakunëkitam munayan.
¿Bibliachö mëqan consëjukunatan yanapashunki papänikikunawan parlanëkipaq?