Cielopitam huk Rey apamonqa alli kaweta patsaman

41 Cieloman Jesús kutiriptinmi, Jehová churashqa Rey kananpaq.−Isaías 9:6; Daniel 7:13, 14; Hechos 2:32–36

42 Pëmi llapan patsata gobernamonqa.−Daniel 7:14; Mateo 28:18

43 ¿Yarpankiku mana wanakoqkunata imananqaraq Diosnintsik?−Salmo 37:9, 10; Lucas 13:5

44 ¿Yarpankiku hutsa ruraq angelpa shutinta? Jesusqa ushakätsimonqam tse angelta, wakin mana alli angelkunatawan. Imagenninkunatawan, santonkunatawan ushakätsenqa chïpyepa.−Hebreos 2:14; Revelación 20:2, 10

45 Llapan wiyakoqkunatam, tükilaya allapa allikunata qomashun Jesusqa.−Hebreos 5:9

46 Manam qeshyakuna kanqanatsu.−Isaías 33:24; Revelación 22:1, 2

¿Yarpankiku, Jesús qeshyaqkunata kachakätsenqanta?

47 Llapan alli nunakunapam, tükilaya llapannin kanqa.−Isaías 65:17, 21–23

48 Diosnintsikqa llapan wanushqakunatapis yarparëkanmi. Tsemi kallpan qonqa Jesusta, wanushqakunata hukpita kawaritsimunampaq. Tsetam Bibliacho resurrección nin.−Juan 5:28, 29; 11:25

49 Llapan mana alli nunakuna ushakäriptenqa, manam ni pï wanunqanatsu. Chucaro, ëtsa mikoq animalkunatapis manam mantsashunnatsu. Llapan nunakunapis kushi kushinam kawayanqa wiñeypaq.−Revelación 21:4; Isaías 65:25; Salmo 37:11, 29