Lección 1

Imanöraq musyankiman Dios qampita shuyaranqanta

¿Ima allikunataraq tarintsik Bibliachoqa? (1)

¿Piparaq Bibliaqa? (2)

¿Imanir-raq Bibliapita yachakunkiman? (3)

1. Bibliaqa valeq Diospa qarëninmi. Imanomi huk kuyakoq teyta cartakun tsurinkunapaq, tsenomi Bibliaqa. Razompa kaqtam Diospeq willamantsik: pi kanqanta, ima leyninkuna kanqantapis. Kayitsimantsikmi imano sasa kawekunata altsanapaq, imano razompa kushikita tarinapaq. Bibliallam willamantsik imatash rurashwan Diosta kushitsinapaq (Salmo 1:1-3; Isaías 48:17, 18).

2. Bibliataqa qellqayämorqan chusku chunka nunakunam, qellqayämorqan 1.600 watachomi, 1513 watapita patse, manaraq Jesús Shamuptin. Llapan Bibliachomi tarintsik 66 libritokunata. Qellqaqkunaqa Kikin Dios nenqanllatam qellqayämorqan manam pekuna munayanqantatsu. Tsemi Biblia Ruratsimoqqa manam ni pi kë Patsacho nunatsu, kikin cielocho takoq Diosmi (2 Timoteo 3:16, 17; 2 Pedro 1:20, 21).

3. Diosrekurmi Bibliataqa qellqayämushqa kaqtanolla kananyaq. Bibliallatam allapa atskata rurayamushqa, imeka librokunapitapis. Manam llapantsu kushiyanqa Bibliapita yachakuptiki, tseno kaptenqa ama haqinkitsu Bibliapita yachakita. Wiñeypaq kawetaqa tarinki, Diosta reqir-ran, voluntadninta rurar-ran, chikiyäshuptikipis (Mateo 5:10-12; Juan 17:3).