Lección 2

¿Pitaq Dios?

¿Pitaq razompa Diosqa, imataq shutin? (1, 2)

¿Imano cuerpoyoqraq Diosqa? (3)

¿Meqanraq más reqishqa cualidadninkuna? (4)

¿Inshishwantsuraq imagenkunata, santokunata Diosta adoranapaq? (5)

¿Imakunachoraq Diospita yachakushwan? (6)

1. Nunakunaqa imekatapis adorayanmi. Bibliaqa nimantsikmi, hukllellam RAZOMPA Diosqa. Pëmi kamashqa cielocho Patsacho kaqta, pë kamamashqantsik kaptinmi, noqantsik pellata adoranantsik (1 Corintios 8:5, 6; Revelación [Apocalipsis] 4:11).

2. Tükinopa Diosta qayayaptimpis, shutinqa hukllellam: JEHOVÁ. Wakin Bibliakunachoqa Diospa shutintam horqayashqa, rantinnam churayashqa Señor o Dios nishpa. Üne qellqayämonqan Bibliachoqa, Jehová shutiqa yurinaq 7.000 kutipitapis masmi (Éxodo 3:15; Salmo 83:18).

3. Jehovapa cuerpon kanmi, cuerpon karpis manam noqantsikpanotsu. “Diosqa huk Espiritum”, ninmi Bibliaqa (Juan 4:24). Huk espirituqa noqantsikpa kawenintsikpitapis huklayam. Manam ni pi nuna, Diostaqa rikashqatsu. Jehová cielocho tärarpis llapantam rikëkamun (Salmo 11:4, 5; Juan 1:18). ¿Imaraq espíritu santoqa? Manam Diosnotsu, Diospa kallpanmi (Salmo 104:30).

4. Bibliam willamantsik imano Dios kanqanta. Más reqishqa cualidadninkunaqa kemi: kuyaki, justicia, allapa yachaq, allapa kallpayoq (Deuteronomio 32:4; Job 12:13; Isaías 40:26; 1 Juan 4:8). Bibliaqa hina nimantsikmi Diosqa ankupäkoqmi, allapa allim, perdonakoqmi, imekatapis qaramantsik, manam raslla piñakuntsu. Wiyakoq wamrankunano, pëno ketam munashwan (Efesios 5:1, 2).

5. ¿Adorashwanku, mañakushwanku imagenkunata, santokunata? Manam  (Éxodo 20:4, 5). Jehovaqa, pellata adoranatam munan. Pëqa manam rakinakuntsu, ni piwan ni imawan adoracionninta. Hinamampis tse imagenkunapaqa manam kallpankunapis kantsu, yanapamänantsikpaq (Salmo 115:4-8; Isaías 42:8).

6. ¿Imanöraq más alleq Diosta reqishwan? Llapan kamanqankunata rikarmi, yarpakachashwan imatash kekuna Diospeq nimantsik. Pë kamanqanchomi rikantsik allapa kallpayoq kanqanta, allapa yachaq kanqanta. Llapan ruranqanchomi rikantsik Diospa kuyakïninta (Salmo 19:1-6; Romanos 1:20). Hina Bibliapita yachakurninmi petaqa reqishun. Tsechomi willapämantsik imano Dios kanqanta. Nimantsikmi imatash ruramonqa, noqantsikpis imatash rurëkashwan (Amós 3:7; 2 Timoteo 3:16, 17).

[5 kaq päginachö dibüjukuna]

Llapan kamanqanta rikarnin, Bibliapeq alleq yachakurninmi, Diostaqa reqishun