Lección 10
Dios chikenqan rurëkuna
¿Imanotaq qam rikankiman Diospaq mana alli kaqkunata? (1)
¿Ima rurëkunataq rakcha kayan? (2)
¿Imanöraq cristianokuna rikäyanman ulikita? (3) ¿Qellepaq puklleta? (3) ¿Suwakita? (3) ¿Allapa piñakita? (4) ¿Brujeriata? (5) ¿Machakita? (6)
¿Imanöraq librakashwan mana alli rurëkunapita? (7)
1. Diospa nunankunaqa kuyayanmi alli kaqta, hina yachakuyänanmi mana alli kaq chikita (Salmo 97:10). Kë ninanqa, Dios chikenqankunata mana ruremi. ¿Meqanyanraq kayan?
2. Fornicación: Huk ollqu huk warmiwan manaraq casakurnin punukïkoqkuna, mana majanwan punukïkoqkuna, animalkunata punoq, kastankunata punoq, ollqupura pununakipis Diospaqqa allapa hutsam (Levítico 18:6; Romanos 1:26, 27; 1 Corintios 6:9, 10). Huk nuna huk warmi manaraq casakurnin tärarqa, rakikäyanmanmi o civilmentem casakuyanman (Hebreos 13:4).
3. Uliki, qellepaq puklle, suwaki: Jehovaqa manam ni imepis ulikuntsu (Tito 1:2). Tsemi Jehovapa kuyënincho keta munaqkunaqa, manam ulikuyanmantsu (Proverbios 6:16-19; Colosenses 3:9, 10). Llapan qellepaq pukllakunaqa, masta munëmanmi apamantsik. Tsemi cristianokunaqa pukllayantsu qellepaqqa futbolta, ni bingota ni rifata ni ima pukllakunatapis (Efesios 5:3-5). Manam suwakuyantsu, ni imatapis rantiyantsu suwashqa kanqanta musyëkarqa, ni manam apakuyantsu imatapis mana mañakushpaqa (Éxodo 20:15; Efesios 4:28).
4. Allapa piñaki: Allapa piñakita mana tsarashqaqa, mana allikunamanmi apëkamashwan, qayapakiman, maqakita munar imeka mana allikunatapis ruratsimashwanmi (Génesis 4:5-8). Tseno allapa mana allikunaqa manam Diospa amigontsu kayan (Salmo 11:5; Proverbios 22:24, 25). Mana allikunata ruramashqapis, manam pitapis mana alliwan kutitsishwantsu (Proverbios 24:29; Romanos 12:17-21).
5. Hechiceriawan brujería: Wakin nunakunaqa mañakuyan mana alli espiritukunatam, qeshyaqkunata hampir yanapayänampaq. Wakinnam chikeqninkunata brujayan qeshyayänampaq o hasta wanikatsiyänampaqpis. Kë llapan rurëkunapa qepanchoqa, Satanasmi kekan. Tsemi cristianokunaqa, mana ni imanopa kekunata rurayanmantsu (Deuteronomio 18:9-13). Tse brujeriakunapita alli tsapäkitaqa tarishun, Jehová Diospa ladoncho këkarllam (Proverbios 18:10).
6. Machaki: Ichik vinota o cervezata upiqa, manam mana allitsu (Salmo 104:15; 1 Timoteo 5:23). Diosqa chikin, allapa machayanqanyaq upuyaptinmi (1 Corintios 5:11-13; 1 Timoteo 3:8). Hinamampis allapa upiqa, saludnintapis ushakätsinmanmi, familiantapis rakinmanmi. Tsenollam hina imeka mana allimampis hitarkamashwan (Proverbios 23:20, 21, 29-35).
7. Llapan mana alli ruraq nunakunaqa manam “Diospa reinonta chaskiyanqatsu” (Gálatas 5:19-21). Razompa Diosnintsikta kuyarqa, shonqunta kushitsita munarqa, librakunkim tse mana alli rurëkunapita (1 Juan 5:3). Yachaki llapan Diospaq mana alli kaq chikita (Romanos 12:9). Juntaki Jehová nenqanno kawaqkunawan (Proverbios 13:20). Poqushqa kaq hermanontsikkunam alleq yanapamashun (Santiago 5:14). Tse llapampitapis masqa, Diosman mañaki yanapashunekipaq (Filipenses 4:6, 7, 13).
[20 kaq päginachö dibüjukuna]
Diosqa chikinmi machakita, suwakita, qellepaq puklleta, qayapäkoqkunata maqakoqkunata