Diospa amigonkunaqa, manam mana allikunata rurayantsu

Satanasqa tükitam ruran, mana allikunaman heqanapaq. Diospa amigon keta munarnenqa chikishun Jehová chikenqantam (Salmo 97:10). Diospa amigonkunaqa manam kekunata rurashwantsu:

Huk nunawan, huk warmi hutsa rurayanqan. “Ama punukïkunkitsu mana majekiwanqa.” (Éxodo 20:14.) Manaraq casakurnenqa, manam punukïkuyanmantsu, huk ollqu, huk warmiwan, tsepis hutsam (1 Corintios 6:18).

Machaki. “Machakoqkunaqa [...] [manam] chaskiyanqatsu Diospa reinonta” (1 Corintios 6:10).

Wanutsiki, abortowan. “Ama wanutsikunkitsu.” (Éxodo 20:13.)

Suwaki. “Ama suwakunkitsu.” (Éxodo 20:15.)

Uliki. Jehovaqa chikinmi “ulikoq qalluta” (Proverbios 6:17).

Allapa qayapäkoqkuna, allapa maqakoqkuna. Jehovaqa “chikinmi maqakoqkunata, maqakita munar qayapäkoqkunatapis” (Salmo 11:5). “Etsapa rurëninkunaqa” kemi, “wamayëpaq piñaki” (Gálatas 5:19, 20).

Puklla. “Ama takukäyetsu pimampis keno[...] kaptin[...] imekachöpis mallaqäkoqkuna kayaptin.” (1 Corintios 5:11.)

Chikinaki. “Chikiyäshoqnikikunata kuyëkaye, Diosman mañakuye qatikachäyäshoqnikikunapaq.” (Mateo 5:43, 44.)

Diosqa kikintsikpaqmi willapämantsik. Mana alli rurëkunata haqiriqa, manam faciltsu, kikin Jehová, Testigonkunawan yanapashuptikiran tse llapan mana alli rurëkunata haqirinki (Isaías 48:17; Filipenses 4:13; Hebreos 10:24, 25).