¿Imatataq ruranantsik Dios munanqannö kawanapaq?

Teyta Dios chikinqankunataqa ama rurëtsu (1 Corintius 6:9, 10).

Teyta Diosta kuyarqa chikinqanta manam rurashuntsu.

Pëqa manam munantsu suwakunata, machäkunata ni drögakunata utilizänata.

Teyta Diosqa chikinmi wamrankunata shulloqkunata, ollqupura o warmipura oqllanakoqkunata, y wanutsikoqkunata. Y manam munantsu qellëta kuyanata ni maqakoq kanata.

Manam santukunata adorashwantsu, ni brujerïakunata rurashwantsu.

Tsëkunata ruraq nunakunaqa manam Shumaq Patsachö täräyanqatsu.

Nuna mayintsikpaq alli kaqta rurashun (Mateu 7:12).

Jehoväqa kushikunmi pënö kanapaq kallpachakushqaqa.

Nuna mayikikunawanqa alli y qarakoqmi kanëki. Tsënömi rikätsikunki kuyakoq kanqëkita.

Ama pitapis engañëtsu.

Nuna mayikita perdonë.

Teyta Diospita nuna mayikikunata parlapë (Isaïas 43:10).