51 a 56 kaqchö imakunapaq willakunqan
Këchöqa yachakushun Jehoväman markäkoq o yärakoq wamrakunapita, Diospa willakoqninkunapita y Jehoväman confiakoq gobernantikunapitam. Siria nacionchömi juk israelïta wamra, Naamanta Jehoväpa willakoqnin sänatsinampaq kaqman confiakurqan. Eliseunam chikeqnin soldädukunapita Jehovä salvanampaq kaqman confiakurqan. Jehoiadänam, vïdanta peligruman churarqan Jehoasta awilan Atalïapita salvananrëkur. Gobernanti Ezequïasnam, Jerusalen markata Jehovä salvanampaq kaqman confiakurqan, y Asiria soldädukuna amenazëkäyaptimpis allim aguantarqan. Gobernanti Josïasnam, Judächö santukunata ushakätsirqan, templuta altsatsirqan y Jehoväta yapë adorayänampaq yanapakurqan.